Gophan News

  आषाढी वारी नंतर पंढरीत महाद्वार काला उत्साहात संपन्न,हजारो भाविकांच्या उपस्थितीत महाद्वार काला साजरा. पंढरपूर-(प्रतिनिधी )श्री विठ्ठलाच्या पादुकांवर गुलाल व बुक्क्याची उधळण करीत हजारो भाविकांच्या उपस्थितीमध्ये  महाद्वार काला उत्साहात पार पडला. या उत्सवानंतर आषाढी यात्रेची खऱ्या अर्थाने सांगता झाली असल्याचे मानले जाते. संत नामदेव महाराज व संत पांडुरंग महाराज हरिदास यांच्या वंशजाकडून महाद्वारकाला करण्याची परंपरा आहे.   गोपाळपूर चा काला झाल्यानंतर सर्व संतांच्या पालख्या पंढरीचा निरोप घेतात. यानंतर स्थानिकांचा उत्सव अर्थात महाद्वार काला करण्याची गेल्या चारशे वर्षाहून अधिक काळापासून परंपरा आहे. येथील हरिदास घराण्यातील संत पांडुरंग महाराज यांना प्रत्यक्ष श्री विठ्ठलाने दर्शन देऊन आपल्या खडावा अर्थात पादुका प्रसाद रूपाने दिला होत्या. गेल्या 11 पिढ्यापासून हा उत्सव सुरू आहे.   परंपरेनुसार संत नामदेव महाराज यांच्या वंशजाची दिंडी हरिदास यांच्या घरी आल्यानंतर श्री विठ्ठलाच्या पादुका मदन महाराज हरिदास यांच्या मस्तकावर पुजाऱ्यांनी बांधल्या. यानंतर श्री विठ्ठल रुक्मिणी...

 श्री विठ्ठल रूक्मिणी मंदिरास आषाढी यात्रेत 8 कोटी 92 लाखाचे उत्पन्न, पंढरपूर दि.30 :(प्रतिनिधी)- आषाढी यात्रा कालावधीत वारकरी भाविकांनी श्री विठ्ठल- रुक्मिणी मातेच्या चरणी 8 कोटी 92 लाख रुपयांचे दान केले तसेच सोन्या चांदीचे दागिने अर्पण केले असून मंदिर समितीला लाडू प्रसाद, देणगी, भक्तनिवास, हुंडीपेटी, श्रींच्या चरणाजवळ आदी विविध देणग्यांच्या माध्यमातून उत्पन्न मिळाल्याची माहिती मंदिरे समितीचे सह अध्यक्ष गहिनीनाथ महाराज औसेकर यांनी दिली. यंदा आषाढी यात्रा कालावधीत दर्शनरांगेत भाविकांनी मोठ्या प्रमाणात गर्दी केली होती. भाविकांचे सुलभ जलद दर्शन होण्याच्या दृष्टीने आवश्यक त्या उपाययोजना देखील मंदिर समितीने केल्या होत्या. आषाढ शुध्द 01 (दिनांक 15 जुलै) ते आषाढ शुध्द 15 (दिनांक 29 जुलै) या कालावधीत भाविकांनी श्रींच्या चरणाजवळ 7144078 रुपये अर्पण, 29397076 रुपये देणगी, 8347000 रुपये लाडू प्रसाद विक्री, 4631103 रुपये भक्तनिवास, 24032402 रुपये हुंडीपेटी, 1527443 रूपये परिवार देवता तसेच 9672937 रुपये सोने-चांदी अर्पण, तसेच अगरबत्ती, चंदन खोड, चंदन पावडर, महावस्त्रे, फोटो, मोबाईल लॉकर आदी मा...

 भीमा व नीरा नदीतून वाहून जाणाऱ्या पाण्याने तलाव, ओढे, नाले भरून द्या - आमदार अवताडे   पंढरपूर (प्रतिनिधी)  भीमा व निरा नद्यांमधून वाहून जाणारे पाणी कॅनॉल मार्गे सोडून मतदारसंघातील नाले ओढे,तलाव भरून देण्यात यावेत अशी मागणी आ समाधान आवताडे यांनी जलसंपदा मंत्री राधाकृष्ण विखेपाटील यांच्याकडे मागणी केली आहे. पावसाळा सुरु होऊन दीड महिन्याचा काळ लोटला असून अद्याप पंढरपूर मंगळवेढा तालुके दुष्काळ ग्रस्त आहेत या भागाला पावसाने दडी मारल्याने येथील खरीप हंगाम यंदा वाया गेल्यात जमा आहे काही भागात पिण्याच्या पाण्यासाठीही कसरत करावी लागत आहे अशा परिस्थितीत उजनीचे पाणी कॅनॉल ला सोडण्यात आले आहे त्यामुळे या लाभक्षेत्रातील शेतकऱ्यांना थोडासा दिलासा मिळाला आहे.  एनआरबीसी म्हणजेच निरा-भाटघर अंतर्गत नीरा नदी पूर्णपणे पाण्याने भरली असून एनआरबीसी तून रांझणी तलावापासून ते मतदार संघातील सर्व कासेगाव तलाव, कोर्टी तलाव, गादेगाव तलाव, बोहाळी तलाव, ७ नं फाटा या भागासह सर्व तालुक्यातील साठवण तलाव,  पाझर तलाव छोटे-मोठे नाले व तिसंगी येथील साठवण तलाव भरून एनआरबीसी तून देण्यात यावेत. ...

 भीमा नदीकाठच्या शेतीपंपांना ८ तास वीज द्या.  आमदार समाधान आवताडे यांची मुख्यमंत्र्यांकडे आग्रही मागणी पंढरपूर /प्रतिनिधी  पंढरपूर-मंगळवेढा विधानसभा मतदारसंघातील भीमा नदीकाठच्या शेतकऱ्यांना शेतीपंपासाठी सलग ८ तास वीजपुरवठा उपलब्ध करून देण्याची मागणी कर्तव्यदक्ष आमदार समाधान आवताडे यांनी मुख्यमंत्री देवेंद्र फडणवीस यांच्याकडे पत्राद्वारे केली आहे. पाऊस कमी झाल्याने पिकांना पाण्याची तीव्र गरज निर्माण झाली असून, भीमा नदीतून मोठ्या प्रमाणात पाणी वाहून जात असतानाही अपुऱ्या वीजपुरवठ्यामुळे शेतकऱ्यांना त्याचा लाभ घेता येत नसल्याचे निदर्शनास आणून दिले आहे. सोलापूर जिल्ह्याची जीवनदायिनी असलेले उजनी धरण पूर्ण क्षमतेने भरत असून वीर धरणातूनही भीमा नदीत मोठ्या प्रमाणात पाणी सोडण्यात येत आहे. हे पाणी पुढे कर्नाटक राज्यात वाहून जात असताना भीमा नदीकाठच्या शेतकऱ्यांना सिंचनासाठी आवश्यक वीज मिळत नसल्याने ते या पाण्याचा उपयोग करू शकत नाहीत. सध्या भीमा नदीकाठच्या अनेक भागात शेतीपंपांना केवळ दोन ते पाच तासच वीजपुरवठा होत असल्याचे त्यांनी निदर्शनास आणून दिले आहे. अपुऱ्या वीजपुरवठ्यामुळे पिकांन...

 डॉ प्राजक्ता बेणारे यांची भाजपा महिला मोर्चा प्रदेश सचिवपदी निवड, जनमानसातून शुभेच्छांचा वर्षाव  पंढरपूर (प्रतिनिधी)पंढरपूर येथील भाजपा महिला आघाडी जिल्हाध्यक्षा डॉ प्राजक्ता बेणारे यांची महिला मोर्चा महाराष्ट्र प्रदेश सचिव पदी निवड करण्यात आली आहे. महिला मोर्चा प्रदेशाध्यक्ष आमदार सौ चित्रा वाघ यांनी नुकतेच डॉ प्राजक्ता बेणारे यांना निवडीचे पत्र दिले आहे. डॉ प्राजक्ता बेणारे यांनी २०१८पासून सक्रिय राजकीय कारकिर्दीला सुरुवात केली, सुरुवातीला  पंढरपूर शहर उपाध्यक्षा या पदावर त्यांची नियुक्ती तत्कालीन भाजप शहराध्यक्ष कै. संजय वाईकर यांनी त्यांना संधी दिली, महिला सक्षमीकरण, एकीकरण, करण्यासाठी त्यांनी शहरात मोठे प्रयत्न केले, अनेक महिला, मुली यांच्यावरील अन्यायाचे निवारण करून वंचित घटकांना  न्याय देण्याचा प्रयत्न केला, यामुळे अल्पावधीतच जनमानसात त्यांची प्रतिमा उंचावली, गोरगरीब जनता, छोटे विक्रेते, असहाय महिला यांना सर्वतोपरी सहकार्य करून अशा वंचीत आणि शोषीत वर्गाला न्याय मिळवून दिला, भाजपा या सत्ताधारी पक्षाच्या विविध लोक कल्याणकारी योजना महिला, मुली, ज्येष्ठ नागरिक या...

 सोलापूर ग्रामीण पोलिसांचा ऐतिहासिक उपक्रम:  एआय तंत्रज्ञानाचा वापर करून पंढरपूर आषाढी वारीत 32 लाख भाविकांची अचूक मोजणी पंढरपूर:  (दि,27)- श्रीक्षेत्र पंढरपूर येथील आषाढी वारी 2026 मध्ये सोलापूर ग्रामीण पोलीस दलाने सुरक्षेसोबतच गर्दी व्यवस्थापनात एक ऐतिहासिक आणि अत्याधुनिक टप्पा गाठला आहे. सोलापूर ग्रामीणचे पोलीस अधीक्षक  अतुल कुलकर्णी  यांच्या संकल्पनेतून आणि मार्गदर्शनाखाली यंदाच्या वारीत सेंटियंट लॉजिक्स या तंत्रज्ञान संस्थेच्या मदतीने अत्याधुनिक 'कॉग्निटिव्ह व्हिज्युअल ह्युमन न्यूरल एआय' तंत्रज्ञानाचा यशस्वी वापर करण्यात आला. या तंत्रज्ञानाच्या साहाय्याने 24 ते 26 जुलै दरम्यान पंढरपुरात दाखल झालेल्या 3198129  (सुमारे ३२ लाख) भाविकांची अचूक नोंद करण्यात आली आहे. *तीन दिवसांतील वारकरी आगमनाची अचूक आकडेवारी* एआय प्रणालीने केलेल्या अचूक मोजणीनुसार तीन  दिवसांत पंढरपुरात आलेले भाविक: * 24 जुलै 2026 रोजी  6,75,274 वारकरी * 25 जुलै 2026  (आषाढी एकादशी) रोजी  18,96,573 वारकरी * 26 जुलै 2026 रोजी 6,26, 282 वारकरी   असे एकूण: 31, 98,129...

 आषाढी यात्रेत आ. रोहित पवार यांनी केले एक लाख छत्रीचे वाटत  यात्रेतील गरजवंतांना छत्रीचे वाटप करून केली सेवा पंढरपूर/ प्रतिनिधी:-  गेल्या पंधरा दिवसापासून देहू आळंदी येथून तसेच महाराष्ट्राच्या कानाकोपऱ्यातून पंढरीकडे मार्गस्थ झालेल्या दिंड्या मजल दरमजल करत पंढरपुरात देवशयनी आषाढी एकादशीच्या सोहळ्यासाठी दाखल झाल्या. श्री विठ्ठल रुक्मिणी मातेच्या दर्शनासाठी आलेल्या वारकरी भाविकांना जामखेड कर्जत चे आमदार रोहित पवार यांनी सुमारे एक लाख छत्रींचे वाटप करून वारकऱ्यांची सेवा केली.  पंढरपूर शहराच्या विविध भागांमध्ये वारकरी भाविकांसोबतच महिला पोलीस, छोटे व्यावसायिक, तृतीयपंथी, अपंग व्यक्ती, आरोग्य सेवक, परिचारिका तसेच होमगार्ड व पोलीस यांना या छत्रांचे वाटप करून त्यांना रस्त्यावर उभा राहून काम करताना येणाऱ्या अडचणी पासून दिलासा मिळाला तसेच व्यापार्यांनाही यात्रेतील अडथळा दूर करण्याचा प्रयत्न केला. राज्यात सर्वत्र मुसळधार पाऊस सुरू असताना पावसाचे आगमन झाल्यास भाविक वारकऱ्यांचे व्यापाऱ्यांची उन्हापासून संरक्षण व्हावे तसेच पावसापासून संरक्षण व्हावे या उदात्त हेतूने छत्र्यांचे वा...

 ऐन आषाढी एकादशी दिवशी एस आर पी एफ जवानाने गोळी झाडून केली आत्महत्या, पोलीस दलात खळबळ,आत्महत्येचे कारण अस्पष्ट.  पंढरपूर(प्रतिनिधी )_भारताची दक्षिण काशी पंढरपूर येथे ऐन आषाढी देवशयनी एकादशी दिवशी पंढरपूर येथे वारीच्या बंदोबस्तासाठी आलेल्या एस आर पी एफ जवानाने सर्व्हिस रायफल मधून गोळी झाडून आत्महत्या केली आहे. शनिवार दि २५जुलैरोजी जुना कासेगाव रोड येथील एका शाळेत मुक्कामास असताना त्याने हे कृत्य केले,असून पावन पर्वावर दुःखाची छाया पसरली आहे, आषाढी एकादशी निमित्त पंढरपूर विठ्ठलमय झाले असतानाच  अत्यंत धक्कादायक आणि दुर्दैवी घटना समोर घडली आहे. वारीसाठी आलेल्या लाखो वारकरी आणि भाविकांच्या सुरक्षेसाठी तैनात असलेल्या राज्य राखीव पोलीस दलातील (SRPF) एका जवानाने स्वतःवर बंदुकीने गोळ्या झाडून आपले जीवन संपवले आहे. या घटनेमुळे पंढरपूरसह पोलीस दलात मोठी खळबळ उडाली आहे.  महापूजेच्या वेळीच दुर्दैवी घटना घडली असून  रामेश्वर ध्रुपद साबणे असे जीवन संपवणाऱ्या (वय ३०  रा. गंगाखेड, ता.परभणी) असे एसआरपीएफ जवानाचे नाव असून ते मूळचे परभणी जिल्ह्यातील गंगाखेड येथील रहिवासी होते. ...

 *"पंढरपूर कॉरिडॉरचे काम कोणावरही अन्याय न करता योग्य पुनर्वसन करून पूर्ण करणार"*   *- मुख्यमंत्री देवेंद्र फडणवीस*   *आषाढी एकादशी निमित्त मुख्यमंत्री देवेंद्र फडणवीस यांच्या हस्ते श्री विठ्ठल-रुक्मिणीची महापूजा संपन्न*   पंढरपूर, दि. २५: श्री विठ्ठल-रुक्मिणीच्या दर्शनासाठी दरवर्षी वाढणारी भक्तांची गर्दी पाहता त्यांना उत्तम सोयी उपलब्ध करून देण्यासाठी मंदिर परिसर विकासाचे काम पंढरपूर कॉरिडॉरच्या माध्यमातून करण्यात येणार आहे. कोणावरही अन्याय न करता सर्वांचे योग्य पुनर्वसन करून हे काम येत्या अडीच वर्षांत पूर्ण करण्यात येईल, अशी ग्वाही मुख्यमंत्री देवेंद्र फडणवीस यांनी दिली.   आषाढी शुद्ध एकादशी निमित्त श्री विठ्ठल-रुक्मिणीची शासकीय महापूजा मुख्यमंत्री श्री. फडणवीस यांनी सपत्नीक तसेच मानाचे वारकरी बाबासाहेब माधव माने, सौ. प्रभावती बाबासाहेब माने यांच्यासमवेत केली. त्यानंतर श्री विठ्ठल-रुक्मिणी मंदिर समितीच्या वतीने झालेल्या सत्कारप्रसंगी मुख्यमंत्री श्री. फडणवीस बोलत होते. यावेळी पालकमंत्री जयकुमार गोरे, जलसंपदा मंत्री गिरीश महाजन, कामगार मंत्र...

 *राष्ट्रीय आयुष वारी ... विठ्ठल रुख्माईच्या चरणी*   *केंद्रीय आयुषमंत्री प्रतापराव जाधव यांच्या संकल्पनेतून पंढरपुरात आयुष सेवा सुविधा केंद्र*  पंढरपूर, दि. २४(प्रतिनिधी): राष्ट्रीय आयुष वारी ... विठ्ठल रुख्माईच्या चरणी .. हा सामाजिक संदेश घेऊन आयुष मंत्रालयाच्या वतीने पंढरपूर येथे भक्तांना आरोग्य सेवा उपलब्ध करून देण्यासाठी विविध ठिकाणी “आयुष सेवा सुविधा केंद्र” उभारण्यात आले आहे.   पंतप्रधान नरेंद्र मोदी यांच्या संकल्पनेतील आयुष मंत्रालयाची सेवा ग्रामीण भागातील जनतेला मिळावी तसेच ग्रामीण भागातही आयुर्वेदाचा प्रचार-प्रसार व्हावा, प्राचीन भारतीय आयुर्वेदिक उपचार पद्धतीचा लाभ वारकऱ्यांना मिळावा या दृष्टीकोनातून केंद्रीय आयुषमंत्री (स्वतंत्र प्रभार) तथा आरोग्य व कुटुंब कल्याण राज्यमंत्री प्रतापराव जाधव यांच्या संकल्पनेतून आयुष मंत्रालयाच्या वतीने विठुरायाच्या चरणी आयुष सेवा उपलब्ध करून देण्याचा मानस व्यक्त करण्यात आला होता.   त्यानुसार राष्ट्रीय आयुष अभियानांतर्गत “आयुष सेवा सुविधा केंद्र” आषाढी वारीनिमित्त २४ ते २६ जुलै या कालावधीसाठी उभारण्यात आल...

 गुड समॅरिटन ॲपमुळे रुग्णवाहिका वेळेत मिळाल्याने महिला भाविकाचे वाचले प्राण      पंढरपूर : (दि,२३):- आषाढी वारीदरम्यान पंढरपूर येथे महिलेस अचानक चक्कर येऊन ती बेशुद्ध पडल्याची घटना घडली. या प्रसंगी उपस्थित असलेल्या गुड समॅरिटने स्वयंसेवकांनी प्रसंगावधान ॲपद्धारे तात्काळ आपत्कालीन माहिती पाठविल्यांने संबंधित महिलेला वेळेत वैद्यकीय मदत मिळाली.आणि तीचे प्राण वाचले असल्याची माहिती गुड समॅरिटने स्वयंसेवक दयानंद मेंशेके यांनी दिली. सोलापूर जिल्हह्यातील दयानंद मेंशेके यांनी दुपारी १२:११ वाजता गुड समॅरिटन ॲपद्वारे आपत्कालीन सूचना पाठविली. सूचना मिळताच १०८ आपत्कालीन प्रतिसाद केंद्रांने पूळूज प्राथमिक आरोग्य केंद्रांची रुग्णवाहिका घटनास्थळी रवाना केली. रुग्णवाहिका १२:१५ वाजता बेसवरून निघाली आणि अवघ्या ११ मिनिटे ५५ सेकंदांत (१२:२९ वाजता) घटनास्थळी पोहोचली. १०८ रुग्णवाहिकेच्या वैद्यकीय पथकांने महिलेवर तातडीने प्राथमिक उपचार करून पुढील वैद्यकीय उपचारासाठी आवश्यक सेवा उपलब्ध करून दिली. विशेष म्हणजे, १०८ रुग्णवाहिका घटनास्थळी पोहोचेपर्यत गुड समॅरिटन स्वयंसेवकांनी महिलेजवळ थांबून ति...

 विश्व मानव रूहानी  केंद्र यांच्या वतीने पंढरपूर येथे आषाढी वारी निमित्त मोफत वैद्यकीय शिबिराचे आयोजन. पंढरपूर (प्रतिनिधी)विश्व मानव रुहानी केंद्र यांच्या वतीने भारताची दक्षिण काशी पंढरपूर येथे भक्तीमार्ग परिसरातील भगवान मनमाडकर यांच्या जागेतआषाढी यात्रेमध्ये येणाऱ्या भाविकांसाठी आरोग्य शिबिराचे आयोजन करण्यात आले. या आरोग्य शिबिराचे उद्घाटन पंढरपूर येथील नगराध्यक्षा डॉ प्रणिता भालके यांच्या हस्ते करण्यात आले, यावेळी व्यासपीठावर कार्यक्रमाचे अध्यक्ष ज्येष्ठ पत्रकार सत्यविजय मोहोळकर, नगरसेवक आदित्य फत्तेपूरकर, शिबिराचे मार्गदर्शक,संयोजक ॲड अखिलेश  वेळापुरे, समाजसेवक भगवान मनमाडकर, राजेंद्र आचलारे, दैनिक तरुण भारत संवाद चे पत्रकार चैतन्य उत्पात, ज्येष्ठ समाजसेवक अभय झांबरे आदी मान्यवर उपस्थित होते. या शिबिरात सर्दी पासून ते अगदी हृदयविकाराच्या आजारावर उपचार करण्यात येत असून औषध, गोळ्या मोफत देण्यात येत असल्याचे संयोजकांनी सांगितले, प्रमुख पाहुण्या डॉ प्रणिता भालके यांनी या कार्याचे कौतुक करत भक्त पुंडलिक यांच्या सेवेची उपमा दिली , नगरसेवक आदित्य फत्तेपूरकर यांनी पुढच्या वर्ष...

 *खमंग कांदे नवमी*    वारी अगदी उंबरठ्यावर येऊन ठेपलेली असे.सगळीकडे नुसती माणसंच माणसं दिसत असतं. आणि पंढरपूरात देवळाभोवतीच्या घरांमध्ये एक खमंग खाद्यसोहळा रंगत असे.कांदेनवमीचा...  घरातली मोठी माणसं वारीचं नियोजन करण्यात गुंतलेली असत. आम्ही मुले पौर्णिमेपर्यंत शाळेला सुट्टी असल्यामुळे विशेष आनंदात असू. या सगळ्या गडबडीत कांदेनवमी येई. इतरांपेक्षा देवळाभोवती राहणाऱ्या आम्हाला कांदे नवमीचं फार अप्रूप असे. कारण आता ही कांदेनवमी झाल्यानंतर परत चार महिन्यांनी आणि ज्यांच्याकडे खंडोबा आहे त्यांना पाच महिन्यांनंतर कांदा-लसूण खायला मिळणार असे. त्यामुळे हा दिवस फार मौजेचा असे. सकाळपासून संध्याकाळपर्यंत कांद्याचे विविध पदार्थ केले जात. कांदा भजी, थालीपीठ, भाजी अशा वैविध्यपूर्ण पदार्थांचा खमंग वास केवळ घरातूनच नव्हे तर सार्‍या गल्लीतून येत असे. प्रत्येक घरी काही ना काही तरी खमंग केलेले असे. मोठ्या माणसांपेक्षा आम्हा मुलांना आता कांदा खायचा नाही म्हणून जास्त वाईट वाटत असे. मग वाड्यात किंवा गच्चीवर संध्याकाळी कांदेनवमी साजरी केली जाई. प्रत्येकजण घरातून कांद्याची भजी, बटाटे वडे, थाल...

 *कर्मयोगी इन्स्टिट्यूटच्या वैष्णवी खटावकर हिचे 'मिशन लक्षवेध' मध्ये निवड. पंढरपूर (प्रतिनिधी) श्री पांडुरंग प्रतिष्ठान संचलित कर्मयोगी इन्स्टिट्यूट ऑफ टेक्नॉलॉजी पंढरपूर येथील तृतीय वर्ष मेकॅनिकल अभियांत्रिकी ची विद्यार्थिनी कु. वैष्णवी अनिल खटावकर हिचे २०२५-२६ मधील इंडिया टीम ट्रायल च्या गुणांवर आधारित महाराष्ट्र राज्य शासनाच्या खेळाडूच्या उन्नती साठी असलेला उपक्रम *मिशन लक्षवेध* बालेवाडी पुणे येथे सात जुलै २०२६ रोजी निवड झाली आहे.मिशन लक्षवेध यामध्ये भविष्यात होणाऱ्या नॅशनल, इंटरनॅशनल, ओलंपिक स्तरावरील सामन्यांसाठी प्रशिक्षण दिले जाणार आहे.   पिलीव या ग्रामीण भागात  राहणाऱ्या कु. वैष्णवी खटावकर हिने पाच वर्ष तायकांदो चे प्रशिक्षण पूर्ण केले असून राज्य स्तरावरील अनेक सामन्यांमध्ये उत्कृष्ट कामगिरी केली आहे. तसेच  रायफल व पिस्तोल शूटिंग मध्येही १४ वर्षापासून विद्यापीठ स्तरीय, राज्यस्तरीय व देश पातळीवर वेगवेगळ्या सामन्यांमध्ये तिने उत्कृष्ट कामगिरी बजावली आहे. वैष्णवी हिने स्पोर्ट्स अथॉरिटी ऑफ इंडिया या संस्थेत प्रशिक्षण पूर्ण करून मे २०२६ मध्ये तिला शूटिंग कोच ...

 विद्याधर ताठे लिखित 'कृपासिंधू' चरित्र ग्रंथाचे शंकराचार्यांच्या हस्ते कोल्हापुरात प्रकाशन. कोल्हापूर : (प्रतिनिधी) संतसाहित्याचे साक्षेपी अभ्यासक आणि उपासक विद्याधर ताठे यांनी थोर भागवताचार्य साक्षात्कारी संत गोविंदशास्त्री पेंडसे यांचे लिहिलेले चरित्र 'कृपासिंधू' ज्ञानोपासनेसाठी उपयुक्त ठरेल असा गुरुकृपांकित ग्रंथ आहे. भक्ती, ज्ञान आणि वैराग्य याचे भावपूर्ण असे दर्शन या ग्रंथातून घडते, अशा शब्दात करवीर पीठाचे शंकराचार्य विद्यानृसिंह सरस्वती यांनी आपला अभिप्राय देत 'कृपासिंधू' पुस्तकाचे प्रकाशन केले. करवीरनगरीतील राजसेवक वतनदार खासबारदार यांच्या वाड्यात थोर भागवताचार्य गोविंदशास्त्री पेंडसे यांचे १८३९ ते १८८१ अशी ३१ वर्षे वास्तव्य होते. त्यांच्या चरित्रग्रंथाचे प्रकाशन कोल्हापुरातील बिनखांबी गणेश मंदिराजवळील 'मंगलधाम' येथे पू शंकराचार्य यांच्या शुभहस्ते नुकतेच संपन्न झाले. या समारंभास पुण्यातील योगीराज गुळवणी महाराज मठाचे पू. शरदकाका जोशी यांचे प्रतिनिधी वेदमूर्ती सुहास जोशी, 'दासबोधा'चे निरुपणकार श्री. प‌द्माकर बोंडाळे, लेखक विद्याधर ताठे, अॅड...

 फिनोलेक्स पाईप्स अँड फिटिंग च्या वतीने रेनकोट, देशी वृक्ष, डस्टबिन चे वाटप. वारकरी भक्तांची सेवा हीच ईश्वर सेवा* फिनोलेक्स पाईप्स अँड फिटिंग चे मालक श्री प्रकाश छाब्रिया यांच्या संकल्पनेतून कंपनीने गेले अनेक वर्षे आषाढी वारीत कंपनीच्या माध्यमातून  पंढरपुरात सक्रिय आहे या आषाढी यात्रे 2026 ला पंढरपूर नगर परिषद पंढरपूर ला दीड हजार देशी झाडे, व *स्वच्छ पंढरपूर सुंदर पंढरपूर* या साठी शंभर मोठे डस्टबिन कंपनीच्या माध्यमातून देण्यात आले आहेत   *स्वच्छ पंढरपूर हरित पंढरपूर मोहिमे अंतर्गत* पंढरपूर नगरपरिषदे दीड हजार वृक्षांची मागणी करण्यात आली होती त्याचबरोबर आषाढी वारीच्या पार्श्वभूमीवर स्वच्छ पंढरपूर सुंदर पंढरपूर अंतर्गत आरोग्य विभागाला १०० मोठे १२० लिटरचे डस्टबिन ची मागणी नगरसेवक सौरभ थिटे यांनी केली होती.    फिनोलेक्स पाईप्स अँड फिटिंग्ज व मुकुल माधव फाउंडेशन यांनी आज नगर परिषदेकडे दीड हजार देशी वृक्ष व १०० डस्टबिन  फिनोलेक्स पाईपस अँड फिटिंग चे अनिरुद्ध सरनाईक सर, प्रविण सिंग सर यांनी आज नगरपरिषदेकडे सुपूर्द केले. नगरसेवक सौरभ थिटे व हरिकृपा डिजिटल चे श्...

*वारकऱ्यांच्या स्वागतासाठी शासन व प्रशासन सज्ज - पालकमंत्री जयकुमार गोरे*   *पालखीतळावर जर्मन हँगर, हायमास्ट; वाखरीत मुरमीकरणाचे निर्देश, निधीची तरतूद करणार*   *पंढरपूर, दि. १८:* “आषाढी एकादशीनिमित्त श्री विठ्ठल-रुक्मिणीच्या दर्शनासाठी मानाच्या पालखी सोहळ्यासह सर्व पालख्या, दिंड्या व लाखो वारकरी सोलापूर जिल्ह्यात येत असून त्यांच्या स्वागतासाठी शासन व प्रशासन पूर्णपणे सज्ज आहे,” असे पालकमंत्री जयकुमार गोरे यांनी सांगितले.   श्री संत ज्ञानेश्वर महाराज पालखी मार्गातील सर्व पालखीतळ व रिंगण सोहळ्याच्या ठिकाणांची पाहणी केल्यानंतर पालकमंत्री बोलत होते. ते म्हणाले, “सर्व पालखीतळ, विसावा ठिकाण, मुक्कामाचे ठिकाण व रिंगणाच्या ठिकाणी वारकऱ्यांसाठी खूप चांगल्या सुविधा निर्माण करण्यात आल्या आहेत. वारकऱ्यांच्या स्वागतासाठी संपूर्ण जिल्ह्यात उत्साही व आनंदी वातावरण आहे आणि याच वातावरणात पालख्यांचे स्वागत केले जाणार आहे.”   “वारकऱ्यांनीही आनंदी वातावरणात श्री विठ्ठल-रुक्मिणीचे दर्शन घ्यावे. वारकऱ्यांच्या सुविधेसाठी प्रशासन चांगले काम करत आहे, त्यामुळे वारकरी समाधा...

 *धरूनिया राधा मीस। देव येती पंढरीस।* भूवैकुंठ असलेले अलौकिक पंढरी क्षेत्र निर्माण होण्याची चार निमित्त आहेत. त्यातील पहिले आणि महत्त्वाचे म्हणजे रुसून पंढरीस आलेली रूक्मिणी.  एकदा भगवान श्रीकृष्ण भर दरबारात आपले कामकाज करत असता त्यांची बालमैत्रीण राधा तिथे आली आणि ती कृष्णाच्या मांडीवर बसली. त्यामुळे रागावून रुसून रूक्मिणी भीमेच्या काठी असलेल्या दिंडीरवनात येऊन तप करीत बसली. तिचा रुसवा काढण्यासाठी श्रीकृष्ण दिंडीरवनात आले. एकनाथ महाराज म्हणतात  *धरुनिया राधा मीस। देव येती पंढरीस।*  *रुक्मिणी रुसली।ती दिंडीरवनाआली।*  *तया मागे मोक्षदानी। येता झाला दिंडीरवनी।।* भीमेच्या तीरावर दिंडीरवन नामक निसर्गाची दाटी असलेले अतिशय रम्य ठिकाण होते. चिंचेचे बन होते. तिथे रूक्मिणी तप केले. आजही ती जागा तितकीच रम्य आहे. अगदी परवापर्यंत तिथे चिंचेची भव्य खोड असलेली सात झाडे होती. त्यांना सप्तर्षी म्हणत. श्रीकृष्ण समजूत काढायला येईपर्यंत दिंडीरवनातल्या रूक्मिणीला लोक लक्ष्मीबाई म्हणू लागले. त्याचा अपभ्रंश लखुबाई झाला. आज हे स्थान लखुबाई मंदिर म्हणून ओळखले जाते.  इथे हेमाडपंथी ...

 श्री विठ्ठल रुक्मिणी मंदिरास सुमारे ५६.५९ लाख रुपयांच्या सोने पादुकांचे दान पंढरपूर (प्रतिनिधी ) – आषाढी यात्रा कालावधीत श्री विठ्ठल रुक्मिणी मंदिरात दर्शनासाठी राज्यासह देशभरातून लाखो भाविक दाखल होत असून मंदिर परिसरात भक्तिमय वातावरण निर्माण झाले आहे. या कालावधीत मंदिर समितीकडे रोख देणगीबरोबरच सोने, चांदी व इतर मौल्यवान वस्तूंच्या स्वरूपातही मोठ्या प्रमाणात दान प्राप्त होत आहे. याच पार्श्वभूमीवर एका दानशूर भाविकाने आपले नाव गोपनीय ठेवण्याच्या अटीवर सोने पादुका दान स्वरूपात अर्पण केल्या आहेत. या पादुकांचे वजन ४४६ ग्रॅम असून त्यांची अंदाजे किंमत रु. ५६,५९,००० इतकी होत आहे. श्री विठ्ठल रुक्मिणी मंदिरात सोने, चांदी वस्तू दान करण्यासाठी स्वतंत्र दान कक्षाची व्यवस्था करण्यात आली आहे. या कक्षामध्ये दानस्वरूपात प्राप्त होणाऱ्या मौल्यवान वस्तूंची तपासणी, शुद्धता पडताळणी, वजन, नोंदणी व सुरक्षित स्वीकार करण्यासाठी दोन सराफ तसेच अनुभवी कर्मचाऱ्यांची नियुक्ती करण्यात आली आहे. ज्या भाविकांना श्री विठ्ठल रुक्मिणी मंदिर समितीकडे सोने, चांदीच्या मौल्यवान वस्तू दान करावयाच्या आहेत, त्यांनी मंदिर स...

 🟦⭕ *तुकाराम मुंढे यांचा सिया गोयलच्या वडिलांना दणका, पुण्याच्या मार्केट यार्डमधील दुकान सील*                                                                              पुणे : पुण्याच्या लोहगड येथील केतन अग्रवाल हत्या प्रकरणातील आरोपी सिया गोयल हिच्या वडिलांच्या दुकानावर एफडीएने मोठी कारवाई केली आहे. सिया गोयल ही सध्या न्यायालयीन कोठडीत आहे. केतन अग्रवाल हत्या प्रकरणामुळे ती चर्चेत आली. तिचं पुण्यातील बांधकाम व्यावसायिक केतन अग्रवाल याच्याशी लग्न ठरलं होतं. दोघांचा साखरपुडा देखील झाला होता. पण सियाचं चेतन चौधरी या तरुणासोबत प्रेम प्रकरण होतं. सिया आणि चेतन या दोघांनी केतनला लोहगड किल्ल्यावरुन ढकलून देत त्याची हत्या केल्याचा आरोप आहे. या प्रकरणातील आरोपी सिया गोयल हिच्या वडिलांना आता मोठा धक्का देणारी बातमी समोर आली आहे.            अन्न आणि औषध प्रश...

 मार्केट यार्डला क्षेत्रभेटीतून विद्यार्थ्यांनी घेतला शेतीमाल व्यवहाराचा प्रत्यक्ष अनुभव प्रतिनिधी, पंढरपूर _ विद्यार्थ्यांचे शिक्षण केवळ वर्गखोलीपुरते मर्यादित न राहता त्यांना प्रत्यक्ष अनुभवातून जीवनोपयोगी ज्ञान मिळावे, या उद्देशाने आदर्श प्राथमिक विद्यालयाच्या इयत्ता सहावीच्या विद्यार्थ्यांची पंढरपूर येथील मार्केट यार्ड येथे शैक्षणिक क्षेत्रभेट उत्साहात पार पडली. या क्षेत्रभेटीदरम्यान विद्यार्थ्यांनी शेतीमालाची खरेदी-विक्री प्रक्रिया, लिलाव पद्धती, मालाची प्रतवारी, वजनकाट्यांचा वापर, साठवणूक, वाहतूक व्यवस्था तसेच शेतकरी, व्यापारी आणि हमाल यांचे कामकाज जवळून पाहिले. बाजार समितीच्या कार्यपद्धतीची माहिती घेत विद्यार्थ्यांनी विविध प्रश्न विचारून आपल्या ज्ञानात भर घातली. प्रत्यक्ष अनुभवातून विद्यार्थ्यांना शेती अर्थव्यवस्था आणि बाजार व्यवस्थेचे महत्त्व समजून घेण्याची संधी मिळाली. या उपक्रमामुळे विद्यार्थ्यांमध्ये निरीक्षण क्षमता, जिज्ञासा आणि व्यवहारज्ञान विकसित होण्यास मोठी मदत झाली. पुस्तकातील ज्ञानाची प्रत्यक्ष अनुभवाशी सांगड घालत विद्यार्थ्यांनी ही क्षेत्रभेट आनंददायी आणि ज्ञानवर...

 पंढरपुर शहर पोलीस ठाणे, "गुन्हे प्रकटीकरण शाखेची" धडाकेबाज कामगीरी सोन्याचे दागीने चोरणाऱ्या आरोपी कडुन ९, लाख तीस हजार रूपये किंमतीचा मुद्देमाल केला जप्त. आषाढी वारीच्या तोंडावर गुन्हेगार जेरबंद.  पंढरपूर _(प्रतिनिधी) पंढरपूर शहर गुन्हे प्रकटीकरण शाखेने दाखल गुन्हयातील आरोपीचा शोध घेवुन गंभीर स्वरूपाचे गुन्हे उघडकीस आणुन तीन आरोपीतांना अटक करून गुन्हा उघडकीस आणुन उल्लेखनीय कामगिरी केली. अतुल कुलकर्णी., पोलीस अधिक्षक सोलापुर ग्रामीण,  विजयकुमार कबाडे अप्पर पोलीस अधिक्षक सोलापुर ग्रामीण यांचे सुचनेप्रमाणे सोलापुर जिल्हयातील जबरी चोरीस प्रतिबंध करणेच्या आदेशान्वये  प्रशांत डगळे, सहा पोलीस उपअधिक्षक पंढरपुर विभाग पंढरपुर व  टी वाय मुजावर वरिष्ठ पोलीस निरीक्षक पंढरपूर शहर पोलीस ठाणे यांचे मार्गदर्शनाखाली पंढरपुर दाखल गुन्हयातील फिर्यादी शोभा आबासाहेब निलंगे, रा. शिक्षक कॉलनी, माळशिरस जिल्हा सोलापूर. हे दिनांक रोजी १७एप्रिल रोजी दुपारी १२:३० वा चे सुमारास माळशिरस ते पंढरपूर बसने प्रवास करत असताना २८ ग्रॅम वजनाचे मंगळसूत्र असा- तीन लाख पंचेचाळीस हजार रुपये किमतीचे चा...

 श्री विठ्ठल-रुक्मिणी मंदिर जतन व संवर्धन विकास आराखडा; जीर्णोद्धार पूर्ण झालेल्या मंदिरांतील मूर्तींची प्राणप्रतिष्ठा . दिनांक ४ व ५ जुलै रोजी होणार चार मूर्तींची प्राणप्रतिष्ठा          पंढरपूर (प्रतिनिधी): श्री विठ्ठल-रुक्मिणी मंदिर व परिवार देवता मंदिर जतन व संवर्धन विकास आराखड्यांतर्गत जीर्णोद्धार व संवर्धनाची कामे पूर्ण झालेल्या श्री व्यंकटेश मंदिर, श्री महालक्ष्मी मंदिर, श्री काशी अन्नपूर्णा मंदिर तसेच कचेरीजवळील श्री मारुती मंदिर येथील मूर्तींची प्राणप्रतिष्ठा दि. ४ व ५ जुलै रोजी विधीपूर्वक संपन्न होणार असल्याची माहिती मंदिर समितीचे सह अध्यक्ष गहिनीनाथ महाराज औसेकर यांनी दिली.         सदरची सर्व कामे पुरातत्व विभागाच्या मार्गदर्शनाखाली करण्यात येत आहेत. श्री व्यंकटेश मंदिर हे हेमाडपंथी शैलीतील या मंदिराच्या बाहेरील भिंतींना तडे गेले होते तसेच भिंती बाहेरच्या दिशेने फुगल्या होत्या. त्यामुळे जीर्णोद्धारामध्ये मंदिराची संपूर्ण मोजमापासह नोंद करण्यात आली. प्रत्येक दगडाला क्रमांक देऊन त्याची स्वतंत्र नोंद घेण्यात आली. त्यानंतर  स...