Gophan News

 कलासाधना सांस्कृतिक मंडळाच्या वतीने देण्यात येणारे विविध पुरस्कार जाहीर. पंढरपूर ( प्रतिनिधी) पंढरपूर हे तीर्थक्षेत्र म्हणून, दक्षिण काशी म्हणून जसे प्रसिद्ध आहे, तसेच या पंढरीला कलेचा वारसा देखील दैदिप्यमान लाभलेला आहे.  अनेक शतकांची ही पुण्यभूमी संतांच्या पदस्पर्शाने पावन झालेली आहे. तसेच अनेक दिग्गज कलाकार देखील या भूवैकुंठात जन्म घेतलेले आहेत. साहित्य, कला, संगीत व नाट्य या विविध क्षेत्रात अनेक दिग्गज कलाकारांनी आपली कलासाधना जोपासली आहे. अशा कलाकारांना गेली १८ वर्ष हा पुरस्कार देण्यात येत असतो. या वर्षीचा पंढरी कलारत्न पुरस्कार ज्येष्ठ निरुपणकार विवेकजी घळसासी यांना मा. आमदार प्रशांत परिचारक यांच्या प्रमुख उपस्थितीत, सोलापूरचे दाते पंचांगकर्ते  श्री. मोहनजी दाते यांच्या शुभहस्ते प्रदान केला जाणार आहे.  तसेच महाराष्ट्र लोकसेवा आयोगामार्फत घेण्यात आलेल्या परीक्षेमध्ये भरघोस यश प्राप्त करुन सहाय्यक महसूल यापदी निवड झाल्याबद्दल कु. सोनिया शरद कागदे, सावित्रीबाई फुले पुणे विद्यापीठाच्या भूगर्भशास्त्र  विषयात  सुवर्ण पदक प्राप्त केल्याबद्दल कु. प्रतीक्षा भा...

 *विठ्ठल विठ्ठल गजरी* *अवघी दुमदुमली पंढरी* आज माघ शुद्ध एकादशी!!पंढरपूरच्या चार मोठ्या वाऱ्यांपैकी एक अशी माघी वारी. सर्व तिथींमध्ये एकादशी ही तिथी सर्वश्रेष्ठ आहे. कारण भगवान विष्णूंची ही प्रिय तिथी आहे. प्रत्येक महिन्यात दोन एकादशी येतात. पंढरपूर हे वैष्णव क्षेत्र आहे. म्हणून या क्षेत्री एकादशीचे फार महत्त्व आहे. त्यामुळे प्रत्येक महिन्यातील दोन्ही एकादशीला इथे वारकऱ्यांचा मेळा जमतो. तरीही त्यातही आषाढी, कार्तिकी, माघी आणि चैत्री या चार मोठ्या एकादशी मानल्या जातात. या काळात पंढरपुरात यात्रा भरते. याचे उल्लेख पंढरी महात्म्य या ग्रंथात आहेत.  असे म्हणतात की माघ महिन्याचे स्वामी श्रीकृष्ण आहेत. आणि श्रीकृष्ण आणि रूक्मिणी मातेचा विवाह याच महिन्यात झाला. त्यामुळे माघ महिन्याला आणि या एकादशीला विशेष महत्त्व आहे.         प्रत्येक एकादशीला वेगवेगळी नावे आहेत. आजच्या माघ शुद्ध एकादशीला *विजया (जया) एकादशी* म्हणतात. याची एक मोठी रंजक कथा आहे.  श्रीलंकेवर स्वारी करताना प्रभू श्रीराम आणि लक्ष्मण यांना समोर दिसणारा महासागर हा फार मोठा अडथळा ठरत होता. त्यावे...

 संत विसोबा खेचर शासकीय औद्योगिक प्रशिक्षण संस्था बार्शी जिल्हा सोलापूर येथे संस्थास्तरीय तंत्र प्रदर्शन उत्साहात संपन्न. पंढरपूर (प्रतिनिधी) संत विसोबा खेचर शासकीय औद्योगिक प्रशिक्षण संस्था, (आयटीआय) बार्शी येथे औद्योगिक प्रशिक्षण घेणाऱ्या विद्यार्थ्यांच्या कौशल्यांना व्यासपीठ उपलब्ध करून देण्यासाठी बुधवार दि २२ जानेवारी  रोजी संस्थास्तरीय तंत्र प्रदर्शनाचे आयोजन करण्यात आले. कार्यक्रमास विद्यार्थ्यांचा, प्रशिक्षणार्थींचा तसेच शिक्षक व पालकांचा उत्स्फूर्त प्रतिसाद लाभला. या तंत्र प्रदर्शनामध्ये विविध व्यवसाय शाखांतील प्रशिक्षणार्थींनी तयार केलेल्या प्रात्यक्षिक मॉडेल्स, यांत्रिक उपकरणे, विद्युत सर्किट्स, वेल्डिंग नमुने, संगणक व आयटी संबंधित प्रकल्प, मोटार वाहन दुरुस्ती नमुने तसेच नवकल्पनांवर आधारित प्रकल्प सादर करण्यात आले. प्रशिक्षणार्थ्यांनी सादर केलेल्या प्रकल्पांमधून त्यांची तांत्रिक समज, सर्जनशीलता व व्यावहारिक कौशल्ये स्पष्टपणे दिसून आली. प्रदर्शनाचे उद्घाटन संस्था व्यवस्थापन समितीचे माजी अध्यक्ष तथा मारुती रोप्स प्रायव्हेट लिमिटेड बार्शी चे व्यवस्थापकीय संचालक मा.श्री ...

 पंढरपूर येथील लाइफ लाइन हॉस्पीटलमध्ये अत्याधुनिक रोबोटिक सर्जरी, गुडघा आणि खुब्याच्या रोबोटिक सर्जरी यशस्वी. पंढरपूर (प्रतिनिधी)पंढरपूर येथील नामवंत आणि सर्व सुविधानी सज्ज अशा लाइफ लाइन सुपर स्पेशालिटी हॉस्पीटलमध्ये गुडघा आणि खुब्याच्या रोबोटिक सर्जरी म्हणजे शस्त्रक्रिया सुरू करण्यात आल्या असून याबाबत निष्णात सर्जन डॉ शुभम शिंदे यांनी अधिक माहिती दिली, ते म्हणाले पंढरपूर येथील लाइफ लाइन सुपर स्पेशालिटी हॉस्पिटल मध्ये गेल्या दोन ते तीन वर्षांपासून खुबा आणि गुडघ्याच्या शस्त्रक्रिया केल्या जात आहेत. आतापर्यंत एकूण १००शस्त्रक्रिया झाल्या असून आता निमशहरी व ग्रामीण भागात अत्याधुनिक तंत्रज्ञान विकसित रोबोटिक सर्जरी म्हणजे शस्त्रक्रिया लाइफ लाइन सुपर स्पेशालिटी हॉस्पिटल मध्ये सुरू करण्यात आली आहे. गेल्या १०दिवसांत १५रोबोटिक सर्जरी करण्यात आल्या असून रोबोट हा सहाय्यक असतो, यामध्ये अचूकता जास्त असते आणि रक्तस्राव कमी होतो, केवळ तीन दिवसांत रुग्ण पूर्णपणे बरा होऊन घरी जातो, असे फायदे असून ६०ते ६५ वय असलेल्या रुग्णांना ही शस्त्रक्रिया करावीच लागते. यावेळी लाइफ लाइन सुपर स्पेशालिटी हॉस्पिटल च...

 *वसंत पंचमी* आज माघ शुद्ध पंचमी. म्हणजे वसंत पंचमी. परमात्मा श्रीकृष्ण आणि जगन्माता रूक्मिणी यांच्या विवाहाचा दिवस! रूचिरानन रुक्मिणीला श्रीकृष्णाने राक्षस विधीने वरले. त्याची कथा अतिशय श्रुतिमधुर आहे. ती वाचताना, ऐकताना अलौकिक आनंद मिळतो. कितीही वेळा ऐकली तरी प्रत्येक वेळी ती नित्यनूतन वाटते.  विदर्भ देशाचा राजा भीष्मक अतिशय सात्विक होता. त्याची राणी शुद्धमती. ती नावाप्रमाणेच शुद्ध बुद्धीची होती. उभयतांना ओळीने पाच पुत्र झाले. त्यानंतर साक्षात लक्ष्मी, श्रीकृष्णाची चिद्शक्ती रूक्मिणी त्यांच्या पोटी कन्या होऊन जन्माला आली.   रूक्मिणी विवाहयोग्य झाल्या वर राजा भीष्मक आणि शुद्धमतीने कीर्तीनामा ब्राह्मणाच्या मुखातून श्रीकृष्णाचे रूप गुण वर्णन ऐकले आणि आपली ही लाडकी, सर्वगुणसंपन्न कन्या कृष्णाला अर्पण करायचे ठरवले. रूक्मिणीनेही कृष्ण वर्णन ऐकले आणि मनोमन कृष्णाला वरले. भीष्मक, शुद्धमती, रूक्मिणी, तिचे चार भाऊ या सगळ्यांनी एकविचार करून  श्रीकृष्ण हाच रूक्मिणी साठी योग्य वर आहे असे ठरवले. त्यावेळी रूक्मिणीचा थोरला भाऊ रूक्मी तिथे आला आणि आपल्याला हा विवाह मान्य नसल्य...

 *नूतन नगरसेवक अक्षय गंगेकर यांचा वारकरी संप्रदायातील महाराज यांच्या हस्ते सत्कार,* *गंगेकर कुटुंबीयांचे ऋण व्यक्त करीत दिला आशीर्वाद.* पंढरपूर अनिल नगर येथे समस्त वारकरी संप्रदायाच्या वतीने नूतन आणि धडाडीचे नगरसेवक अक्षय गंगेकर यांचा वारकरी संप्रदाय तील थोर परमपूज्य तारे महाराज यांच्या हस्ते सत्कार करण्यात आला. अक्षय गंगेकर हे आपल्या प्रभागातील सर्व घटकांना समान न्याय देत असतात, अनिल नगर भागात अनेक वारकरी संप्रदायाचे विविध मठ, मंदिरे असून या महाराज मंडळींना नगरसेवक अक्षय गंगेकर यांच्या सहकार्यामुळे कधीच कोणतीही अडचण आली नाही, ज्येष्ठ तारे महाराज यांनी गंगेकर यांच्या सत्कार प्रसंगी प्रवचन करून त्यांच्या कुटुंबाबद्दल कृतज्ञता व्यक्त केली, ते म्हणाले, गेली ३०ते ३५वर्षांपासून हे कुटूंब जनतेची अविरत सेवा करीत असून निस्वार्थी, विनम्र भाव असल्याने त्यांच्या कुटुंबाला कधीही, काहीही कमी पडत नाही, आम्हा वारकरी संप्रदायामधील मंडळींना ते नेहमीच मदत करत असतात, आम्ही आमचे भाग्य समजतो की आज ते आमच्या सोबत आहेत, मेंबर साहेब कीर्तन, प्रवचन असले की येतात. त्यांची साथ असल्याने चिंता नाही, ते न पा नि...

 पंढरपुर शहर पोलिसांची घडाकेबाज कामगीरी"  तिसंगी या गावी सोन्याच्या दुकाणामध्ये घडलेला जबरी चोरीचा गुन्हा उघडकीस अणुन आरोपीस ताब्यात घेतले.  पंढरपूर(प्रतिनिधी )_पंढरपूर तालुक्यातील तिसंगी या गावात झालेल्या जबरी दरोड्यातील आरोपीला जेरबंद करून सोने, चांदी रोख एक लाख रुपये जप्त करण्यात पोलिसांना यश आले आहे. तिरंगी येथे दी.  १२नोव्हेंबर २०२५रोजी हा दरोडा घालण्यात आला होता. फिर्यादीचे स्वतःचे तिसंगी ता पंढरपुर या गावी सोन्याचे दुकाण असुन तो दुकाणमध्ये झोपलेला असताना दुकाणाचे शटर तोडुन दुकाणामध्ये घुसुन चार अनोळखी इसमांनी दुकाणमधुन एकुण १) ६० ग्रॅम वजनाचे सोन्याचे दागीने, २) ०२ किलो चांदीचे दागीने व ३) १,००,०००/- रू रोख रक्कम असे फिर्यादीस मारहान करून चोरून नेले आहे असा गुन्हा दाखल झाला होता.  पोलीस अधिक्षक अतुल कुलकर्णी ,.अपर पोलीस अधिक्षक  प्रितम यावलकर,. सहा. पोलीस अधिक्षक, श्री प्रशांत डगळे, उपविभागीय पोलीस अधिकारी पंढरपुर विभाग, पंढरपुर यांचे सुचनेनुसार व पंढरपुर शहर पोलीस ठाणेचे वरिष्ठ पोलीस निरीक्षक  दशरथ वाघमोडे, यांच्या मार्गदर्शनाखाली "गुन्हे प्रकट...

 *संक्रमण* थंडीने वातावरणात एक आळस भरला आहे. कामंधामं न करता नुसतं निवांत पांघरूण ओढून पडून रहावंसं वाटतंय. सूर्यही अगदी आळसावून गेला आहे. उशीरानेच उगवतोय.  आणि आपला दाह टाकून गारठून बसला आहे. त्यामुळे अंगणात आलेलं ऊन अगदी कोमट कोमट आहे. मोठे बहारदार दिवस आहेत हे.. उगवता उगवता संपून जाणारे..  तीळाचे लाडू करण्यासाठी तीळ भाजायला घेतलेत.. खमंग वास घरभर पसरलाय.. त्या वासाच्या घमघमाटाने सगळ्या ऐंद्रिय संवेदना जागृत झाल्या. मनाच्या तळातून साऱ्या आठवणी अलगदपणे वर आल्या..  अशीच थंडीच्या दिवसातली दुपार..संक्रांतीचा सण उंबरठ्यावर येऊन ठेपलेला...माई, आई, काकूची संक्रांतीच्या कामाची गडबड.. दुपारच्या चहाच्या वेळी मोठ्या पाटीतून मातीचे काळेशार खण घेऊन आलेल्या कुंभारीण मावशी सुभद्राबाई.. 'किती खण द्यायचे?' असे म्हणत त्यांनी बरोबर वाणवसा करणाऱ्या घरातील बायकांचे खण काढलेले असत. खण म्हणजे सुगडं.  मला तर मोठ्या सुगडापेक्षा त्याच्या पोटातली ती छोटी बाळं फार आवडत..आई एका मोठ्या पाटीत हळूवारपणे ते खण ठेवे. त्यावर हळदी कुंकू वाहून कापडाचा खण पांघरून देवघरात नेऊन ठेवे. तोपर्यंत सुभद्र...

 परिचारक गटाकडून लक्ष्मण शिरसट, ॲड सुनील वाळूजकर आणि सौरभ थिटे यांची स्वीकृत नगरसेवक पदी निवड जाहीर,  पंढरपूर (प्रतिनिधी)_पंढरपूर येथील नगरपालिका निवडणुक संपूर्ण सोलापूर जिल्ह्यात चांगलीच गाजली, या निवडणुकीत जनतेने निराळाच कौल दिला, भाजप या पक्षाचे २४नगरसेवक निवडून दिले मात्र नगराध्यक्ष पदाच्या उमेदवार डॉ प्रणिता भालके यांना केले, यानंतर आता परिचारक गटाकडून स्वीकृत नगरसेवक म्हणून कुणाची वर्णी लागणार याची उत्सुकता निर्माण झाली होती. पंढरपूर नगरपरिषदेच्या स्वीकृत नगरसेवक म्हणून माजी आमदार प्रशांत परिचारक व आमदार समाधान आवताडे भारतीय जनता पक्षाचे व पंढरपूर मंगळवेढा शहर विकास आघाडीच्या वतीने माजी नगराध्यक्ष लक्ष्मण शिरसाट, ॲड सुनील वाळुजकर, सौरभ काशिनाथ थिटे यांची निवड करण्यात आली जिल्हाधिकारी कार्यालय येथे जिल्हा प्रशासनाधिकारी योगेश डोके यांच्याकडे नामनिर्देशन पत्र सादर करण्यात आले .यावेळी माजी नगराध्यक्ष सतीश  मुळे ,हरीश ताठे ,गटनेते भागवत बडवे, सुजित कुमार सर्वगोड, अमोल डोके, विश्वनाथ आळगे ओंकार वाळूजकर हे उपस्थित होते. पंढरपूर नगरपालिका निवडणुकीत सर्वाधिक उमेदवार हे परिच...

 पंढरपूर मध्ये भव्य सखी मेळाव्याचे आयोजन .  पंढरपूर (प्रतिनिधी)_ ज्योतिर्मय निसर्गोपचार व योगासन केंद्राच्या माध्यमातूनशनिवार दी.१० रोजी योग भवानच्या  प्रांगणामध्ये सखी मिळावेच आयोजन करण्यात आले  या मेळाव्याचे उद्घाटन पंढरपूरच्या नूतन नगराध्यक्ष डॉ सौ प्रणिता  भगीरथ भालके  यांच्या हस्ते उद्घाटन पार पडले  या कार्यक्रमाला, नूतन नगरसेविका, संध्या मालोजी शेंबडे  तसेच नूतन नगरसेवक श्री अमोल डोके यांच्या सुविद्य पत्नी जयश्री अमोल डोके ,तसेच भारतीय जनता पक्षाच्या महिला आघाडी जिल्हाध्यक्ष डॉ प्राजक्ता बेणारे  ज्योतिर्लिंग निसर्ग उपचार केंद्राच्या अध्यक्षा व भारतीय जनता पार्टी महिला मोर्चा शहर अध्यक्ष डॉ ज्योती अविनाश शेटे  हे सर्वजण उपस्थित होते या सखी मेळाव्याचं आयोजन ज्योतिर्मय निसर्गोपचार केंद्राच्या प्रमुख डॉ ज्योती शेटे, व त्यांच्या नियोजन मंडळांनी आयोजन केले होते . यावेळी योग भवनाच्या प्रांगणात खाद्यपदार्थांचे स्टॉल त्याचबरोबर विविध वस्तू सौंदर्यप्रसाधने पर्स त्याचबरोबर शोच्या वस्तू कपड्यांचे स्टॉल लावलेले होते आणि ह्यासाठी नागरिकांचा भव्य...

 योगेश सोनलकर यांचे निधन . पंढरपूर (प्रतिनिधी) पंढरपूर येथील योगेश अशोक सोनलकर यांचे सांगली येथे बुधवार दि.७जानेवारी रोजी दुपारी एक वाजता निधन झाले. पंढरपूर येथील विवेक वर्धिनी विद्यालयातील माजी प्राध्यापक अशोक सोनलकर यांचे ते सर्वात लहान चिरंजीव होते, ऑटोमोबाईल इंजिनिअर असलेले योगेश हे सांगली येथील नामांकित कंपनीत सेवा करीत असताना अचानक छातीत दुखण्याचे सुरू झाले त्यामुळे ते घरी येऊन विश्रांती घेत असताना हृदयविकाराचा झटका आल्याने सांगली येथील घरात निधन झाले. त्यांच्या पश्चात पत्नी, दोन मुले, आई, वडील, तीन भाऊ, पुतणे असा मोठा परिवार आहे. त्यांचे मोठे बंधू शैलेंद्र सोनलकर हे कोल्हापूर जिल्हा परिषदेत वरिष्ठ कार्यकारी अभियंता म्हणून कार्यरत आहेत. बुधवारी रात्री उशिरा पंढरपूर येथील वैकुंठ स्मशानभूमीत त्यांच्यावर अंत्यसंस्कार करण्यात आले. शुक्रवार दी ९रोजी सकाळी साडे आठ वाजता तिसरा होणार आहे. योगेश उर्फ बिना हे अत्यंत हुशार, स्वभावाने विनम्र व प्रेमळ, निष्पाप, निरागस लाघवी व्यक्तिमत्व असलेले होते, त्यांच्या अचानक जाण्याने कुटुंबीय सहित मित्र परिवार शोकसागरात बुडाला आहे, त्यांच्या निधनाची...

 *माढा पंचायत समिती प्रशासकीय अधिकाऱ्यांची आढावा बैठक* (मुख्यमंत्री समृद्ध पंचायतराज अभियान अंतर्गत माढा येथे सर्व विभाग प्रमुखांची आढावा बैठक संपन्न) पंढरपूर  प्रतिनिधी/-  जिल्हा परिषद सोलापूर व पंचायत समिती माढा, कुर्डुवाडी यांच्या संयुक्त विद्यमाने मुख्यमंत्री समृद्ध पंचायतराज अभियान अंतर्गत सर्व विभाग प्रमुखांची सविस्तर आढावा बैठक सोमवार दि. ५ जानेवारी २०२६ रोजी सकाळी १० वाजता जिल्हा परिषद विश्रामगृह, माढा येथे पार पडली. या बैठकीस जिल्हा परिषद बांधकाम विभाग, ग्रामीण पाणीपुरवठा, शिक्षण विभाग, महिला व बालविकास (ICDS), आरोग्य विभाग, पशुसंवर्धन, कृषी विभाग, लघुपाटबंधारे, महावितरण, उमेद अभियान, मनरेगा (MREGS), घरकुल विभाग आदी सर्व विभागांचे प्रमुख अधिकारी उपस्थित होते. यावेळी आमदार अभिजीत आबा पाटील यांनी सांगितले की, निराधार योजनांतील प्रलंबित प्रकरणांबाबत सर्व अधिकारी व तलाठ्यांना स्पष्ट सूचना देण्यात आल्या आहेत. तरीही अडचण असल्यास संबंधितांनी तलाठी कार्यालयाशी संपर्क साधावा, अथवा अडचण कायम राहिल्यास आमदारांच्या जनसंपर्क कार्यालयाशी संपर्क साधावा, असे आवाहन त्यांनी केले. ...