Gophan News

 *स्पंदन दगडी घराचे*  सध्या पंढरपुरात देवळाजवळच्या प्रत्येक गल्लीबोळात काॅरिडाॅरची अखंड चर्चा सुरू आहे. वारकऱ्यांच्या सोयीसाठी सरकारने हा प्रकल्प हाती घेतला आहे. त्यामध्ये कित्येक लोकांची पिढ्यानपिढ्याची घरे उध्वस्त होणार आहेत. असा प्रसंग देवळाजवळच्या रहिवाश्यांनी  एकोणीसशे ऐंशी साली, मास्टर प्लॅन झाला होता त्यावेळी देखील अनुभवला होता. आता परत दुसऱ्यांदा काही घरांवरून वरवंटा फिरणार आहे. माणसे हताश झाली आहेत. राजानं मारलं अन् पावसानं झोडपलं तर दाद मागायची कुणाला? अशी अवस्था झाली आहे. पंढरपुरात भरणाऱ्या चैत्री, आषाढी, कार्तिकी, माघी या चार मोठ्या वाऱ्यांपैकी आषाढी, कार्तिकी या जास्त मोठ्या वाऱ्या आहेत. या दोन वाऱ्यांच्या गर्दीच्या चार पाच दिवसांसाठी पिढ्यानपिढ्याची नांदती घरे उधवस्त करायची का? असा प्रश्न प्रत्येकाच्या मनात आहे. वर्षानुवर्षे पंढरपुराने वारीला आपल्यात सामावून घेतले आहेच की..कधीच कुठली कुरकुर न करता...तरीही अजून ही शिक्षा का??? या प्रकल्पाअंतर्गत आता आमचंही घर बाधित होणार असा काल भावाचा फोन आला आणि मन व्यथित झालं..   प्रत्येक माहेरवाशीण सासरी जरी नां...

 रविवारी स्वेरीत ‘जागतिक पशुवैद्यक' दिनानिमित्त कार्यक्रम पंढरपुरच्या ज्येष्ठ पशुवैद्यक प्रतिष्ठानचा उपक्रम पंढरपूर-(प्रतिनिधि) 'गोपाळपूर (ता.पंढरपूर) येथील स्वेरीज् कॉलेज ऑफ इंजिनिअरिंग मध्ये रविवार, दि.२७ एप्रिल २०२५ रोजी ज्येष्ठ पशुवैद्यक प्रतिष्ठान तर्फे ‘जागतिक पशुवैद्यक दिन’ साजरा करण्यात येणार आहे.' अशी माहिती ज्येष्ठ पशुवैद्यक प्रतिष्ठानचे अध्यक्ष डॉ. विश्वासराव मोरे यांनी दिली.           या कार्यक्रमाअंतर्गत सकाळी ९ वा. नोंदणी व अल्पोपहार, स.९.३० वा व्हेट्रिना हेल्थ केअरचे संस्थापक व व्यवस्थापकीय संचालक डॉ. मंगेश घाडीगावकर हे ‘किफायतशीर दुग्ध व्यवसायासाठी पशुवैद्यकापुढील आव्हाने’ या विषयावर तसेच स.१० वा. मुंबई मधील जिओ प्लॅटफॉर्मचे महाव्यवस्थापक डॉ. संतोष वाघचौरे हे ‘कृत्रिम बुद्धिमत्तेचा फायदेशीर दुग्ध व्यवसायासाठी वापर’ या विषयावर मार्गदर्शन करणार आहेत. या कार्यक्रमाच्या अध्यक्षस्थानी पशुसंवर्धन विभागाचे माजी सहआयुक्त डॉ. महेश बनसोडे हे राहणार आहेत. त्यानंतर स्व. डॉ. सुहास देशपांडे जीवन गौरव व स्व. डॉ. चंद्रकांत निंबाळकर उत्कृष्ट पशुवैद्यक प...

 पहलगाम, बांगला देशातील अत्याचारा विरोधात पंढरीत  निषेध आंदोलन.  पंढरपूर(प्रतिनिधि )_ जम्मू कश्मीर येथे हिंदू पर्यटकांवर झालेल्या आतंकी हल्ल्याच्या पश्चिम बंगाल मधील होत असलेल्या हिंदू वारी अत्याचार व बांगलादेशातील होणाऱ्या अत्याचार निषेधार्थ पंढरपूर मधील सकल हिंदुत्ववादी संघनाच्या वतीने छत्रपती शिवाजी महाराज चौकात तीव्र निदर्शने  गुरुवार दि.२४रोजी करण्यात आली. या वेळी मोठ्या संख्येने हिंदुत्ववादी संघटनांचे पदाधिकारी कार्यकर्ते, महाराज मंडळी, सामाजिक कार्यकर्ते, नगरसेवक, पार्टीचे कार्यकर्त्यांनी, वारकरी-धारकरी, पंढरपूरकर नागरीकांनी आंदोलनात सहभाग घेऊन निषेध व्यक्त केला. आतंकवादयाचा  व पाकिस्तानचा झेंडा जाळून कार्यकर्त्यांनी मुर्दाबाद मुर्दाबाद पाकिस्तान मुर्दाबाद, जलादो जलादो पाकिस्तान जलादो, एक धक्का ओर दो पाकिस्तान तोड दो, भारत माता की जय च्या जयघोषात तीव्र आंदोलन केले. या आंदोलनात विश्व हिंदु परिषद, बजरंग दल, भाजप, हिंदु महासभा, पेशवा युवा मंच आदी हिंदुत्ववादी संघटनांचे अध्यक्ष, पदाधिकारी, कार्यकर्ते उपस्थित होते. बांगला देशात सूरू असलेल्या हिंदु लोकांच्या...

 पोलिसांच्या प्रयत्नामुळे यश सापडला ! मातापित्यांनी सुटकेचा नि:श्वास टाकला ... पंढरपूर (प्रतिनिधी) मांडी खांद्यावर खेळणारे मुल जेव्हा आई-वडिलांपासून दूर जाते ; तेव्हा आई-वडिलांचा श्वासच थांबतो. भरपूर प्रयत्नांनी जेव्हा हे मूल आई-वडिलांना मिळून येते , तेव्हा त्यांच्या आनंदाला पारावार राहत नाही. पंढरपूर तालुका पोलिसांच्या प्रयत्नामुळे , अशीच एका लहान मूल आणि आई-वडिलांची भेट झाली. आई-वडिलांच्या आनंदाला पारावार राहिला नाही. अशाच प्रकारची घटना पंढरपूर तालुक्यातील गोपाळपूर येथे घडली आहे. पोलिसांनी केलेल्या प्रयत्नामुळे , पोलिसांचे मोठे कौतुक होत आहे. गोपाळपूर येथील निशा हेगडे आणि पांडुरंग हेगडे हे पती-पत्नी दोघेजण मिळेल ते काम करून कुटुंबाचा उदरनिर्वाह करत आहेत. त्यांच्या कुटुंबावर आघात करणारी घटना ,२१ एप्रिल रोजी घडली. हे दोघे पती-पत्नी आणि त्यांचा आठ वर्षाचा मुलगा आणि मुलगी सोनाली हे सर्वजण , गोपाळपूर येथील बबन शिरगिरे यांच्या शेतात कामासाठी गेले होते. उन्हाळ्याचे दिवस असल्याने पिण्यासाठी पाण्याची आवश्यकता होती. या दाम्पत्याने आपल्या दोन्ही बछड्यांना जवळच असलेल्या वीटभट्टीवर पाणी आणण्य...

 पंढरपूर तालुक्यातील सरपंच पदाचे आरक्षण जाहीर. पंढरपूर (प्रतिनिधी)पंढरपूर येथील पंचायत समिती कार्यालयात तालुक्यातील ९५गावातील सरपंच पदाचे आरक्षण जाहीर करण्यात आले असून ओपन साठी ४६एस टी ३, एस सी २०तसेच ओ बी सी समाजासाठी २६ सरपंच पदे जाहीर करण्यात आली आहेत. आवे, तरटगाव ना मा प्र,, खरसोळी सर्वसाधारण महिला ,पळशी सर्वसाधारण महिला, भटू बरे ना मा प्र महिला, चळे _सर्वसाधारण महिला, नेपतगाव _सर्वसाधारण, मेंढापुर _ना मा प्र महिला, शिरढोण _ना मा प्र, शेवते _ना मा प्र , शेगाव दुमाला _अनुसूचित जाती, सुस्ते _ना मा प्र महिला, कोंढा रकी _ना मा प्र , आंबे चिंचोली _ना मा प्र महिला, सोनके _ना मा प्र महिला, तिसंगी _ना मा प्र, बार्डी _ना मा प्र महिला, नारायण चिंचोली _अनुसूचित जाती महिला, गादेगाव_ _ अनुसूचित जाती,  भंडी शेगाव_अनुसूचित जाती महिला, अजनसोंड _अनुसूचित जाती महिला, भाळवणी _अनुसूचित जाती महिला, बोहाळी _अनुसूचित जाती महिला, सुगाव भोसे _अनुसूचीत जाती, धोंडेवाडी _अनुसूचित जाती महिला, नेमतवाडी _अनुसूचित जाती, विटे _अनुसूचित जाती, आढीव _अनुसूचित जाती महिला, करोळे _अनुसूचित जाती महिला,खर्डी__ अन...

 आषाढी यात्रेच्या पार्श्वभूमिवर पालकमंत्री यांनी केली विविध ठिकाणची  पाहणी *वाखरी पालखी तळ, भक्ती सागर (65 एकर) व नदी पात्राची पाहणी पंढरपूर, दि. 21:- आषाढी शुद्ध एकादशी सोहळा 6 जुलै 2025  रोजी होणार असून, या सोहळ्यासाठी श्री ज्ञानेश्वर महाराज, संत तुकाराम  पालखी सोहळ्याबरोबर  तसेच अन्य संताच्या पालखी सोबत मोठ्या प्रमाणात वारकरी भाविक येतात. वारी कालावधीत येणा-या वारकरी भाविकांना अधिकच्या  सुविधा उपलब्ध व्हाव्यात या अनुषंगाने ग्रामविकास तथा पंचायत राज मंत्री तथा पालकमंत्री जयकुमार  गोरे यांनी आज पंढरपूर येथील विविध ठिकाणची पाहणी केली व अनुषंगिक मार्गदर्शक सूचना दिल्या.      यावेळी पालकमंत्री गोरे यांनी वाखरी  पालखीतळ,  वाळवंट, चंद्रभागा नदीपात्र, घाट तसेच पत्रा शेड येथे होणाऱ्या नियोजित दर्शन मंडप व स्काय वॉक बाबतची माहिती घेऊन संबंधित ठिकाणची पाहणी केली. त्याचबरोबर भक्ती सागर  (65 एकर) येथे होणाऱ्या नियोजित संत नामदेव स्मारक जागेची पाहणी करून, भक्ती सागर येथे मोठ्या प्रमाणात सावली देणारी, पानगळ कमी असणारी तसेच कमी पाण्यात...

 आषाढी वारी २०२५ मध्ये "स्वच्छ पालखी" ही संकल्पना राबविली जाणार           -पालकमंत्री जयकुमार गोरे *आषाढी वारी २०२५ च्या अनुषंगाने पालखी तळ, विसावा व मुक्काम या ठिकाणी उत्कृष्ट सुविधा उपलब्ध कराव्यात, या सर्व सुविधा एक महिना अगोदर झाल्या पाहिजे*  *मागील दोन-तीन वर्षात आषाढी वारीत प्रशासनाला आलेल्या अडीअडचणीची माहिती घेऊन त्यावर प्रथम उपाययोजना कराव्यात* *वारीत मोठ्या प्रमाणावर गर्दी होते वारकरी, भाविकांना दर्शन रांग, ६५ एकर, वाळवंट तसेच शहरात विविध ठिकाणी जाण्यासाठी दिशादर्शक सूचना फलक दर्शनी भागात व उंचीवर लावावेत* पंढरपूर(प्रतिनिधी ):- आषाढी वारी २०२५च्या अनुषंगाने पालखी मार्गावर तसेच पंढरपूर शहर पालखीत विसावा मुक्काम या ठिकाणी शासनाच्या वतीने उत्कृष्ट सोयी सुविधा वारकरी व भाविकांना उपलब्ध करून देण्यात येतील. तसेच या आषाढी वारीत पालखीतळावरून पालखी विसावा, मुक्काम घेऊन गेल्यानंतर "स्वच्छ पालखी" संकल्पने अंतर्गत त्या ठिकाणी तात्काळ स्वच्छता मोहीम स्वतंत्रपणे राबवली जाणार असल्याची माहिती ग्रामविकास व पंचायतराज मंत्री तथा पालकमंत्री जयकुमार गोरे यांनी दि...

 पंढरपूर येथे हनुमान जयंतीनिमित्त व्यापारी कमिटी यांच्या वतीने कुस्तिस्पर्धा संपन्न. गंगावेस कोल्हापूरने प्रथम क्रमांक पटकावला.  पंढरपूर (प्रतिनीधी)_ पंढरपूर येथे सुमारे १५१ वर्षांची परंपरा असलेल्या हनुमान जन्मोत्सवानिमित्त व्यापारी कमिटी नवी पेठ पंढरपूर यांच्या वतीने भव्य कुस्त्यांचे मैदान आयोजित केले होते.  कै. औदुंबर तुकाराम म्हमाने यांच्या स्मरणार्थ कै. विश्वनाथ औदुंबर म्हमाने यांनी बांधलेल्या कुस्त्यांच्या हौदामध्ये हा सोहळा आयोजित केला होता.  यावेळेस इनाम रुपये २०० पासून ते रुपये ५हजार पर्यंत कुस्त्या नेमण्यात आल्या होत्या.  तसेच पंढरपूर व्यापारी कमिटी पंढरपूर केसरी ही स्पर्धा आयोजित केली होती.  या स्पर्धेमध्ये व्यापार कमिटी केसरी 'किताब चांदीची गदा व ५२हजार रोहन पवार (गंगावेस तालीम कोल्हापूर)यांनी  हा बहुमान पटकाविला. अंतिम कुस्ती रोहन पवार विरुद्ध रवी  निंबाळकर यांच्या मध्ये ही लढत झाली होती. दुसरा क्रमांक च्या पैलवान रवी निंबाळकर (पुणे )यास ३१हजार ₹ रोख. तृतीय क्रमांक व चतुर्थ क्रमांका साठी पै. सुनील कोटगुंड (गंगावेस तालीम) विरुद्ध पै. उद...

 *चैत्र मधुमास*  होळीच्या सुमारास समोरचा बहावा टपोऱ्या कळ्यांनी बहरून आला. आणि चैत्राची चाहूल लागली. पाहता पाहता चैत्र अंगणात आला. मादक गंधाने शुभ्र टपोरा मोगरा दरवळू लागला. समोरच्या माळावर लाल फुलांनी बहरलेली पळस, पांगरा, गुलमोहराची झाडं आणि आपल्या सोनेरी फुलांच्या घोसांनी सर्वांगाने लगडलेला बहावा असा साऱ्या सृष्टीवर चैत्राच्या रंगगंधाचा मोठा ठसा उमटला. आणि मला असा आजूबाजूला फुललेला चैत्र मोहवायला लागला.  चैत्रातल्या हवेलाही एक गंध असतो. हवेची झुळूक आली की छानसा गंध येतो. त्यात मोगऱ्याच्या फुलांचा, पाणी पडलेल्या मातीचा, खिडकीवर सोडलेल्या वाळ्याच्या पडद्याचा, मोहरून फळं लगडलेल्या आंब्याचा, दारात तटतटून फुललेल्या चाफ्याचा असा साऱ्यांचा मिळून आलेला एक विशिष्ट गंध असतो. तो कितीही श्वासात भरून ठेवला तरी अजून अजून असा मनाचा पुकारा चाललेला असतो.   इकडे बाहेर अशी सृष्टी सजलेली आणि घरात चैत्रगौर सजलेली!! मनाला माहेरचा आठव येतो. ते अलवारपणाने पंढरपूरला माहेरी जाऊन पोहोचतं.. डोळ्यासमोर चैत्रांगण, चैत्रगौर, चैत्रीवारी, आणि चैत्राचं हळदीकुंकू असं सारं एकामागून एक यायला लागत...

 भा ज प महिला आघाडी मोर्चा यांच्या वतीने डॉ बाबासाहेब आंबेडकर यांना अभिवादन. पंढरपूर(प्रतिनीधी) महामानव भारतरत्न  , संविधानाचे शिल्पकार आदरणीय डॉक्टर बाबासाहेब आंबेडकर यांच्या जयंती निमित्ताने भारतीय जनता पार्टी महिला मोर्चा जिल्हा कार्यकारणी व शहर कार्यकारणी च्या वतीने सोमवार दि.१४एप्रिल रोजी बाबासाहेबांना अभिवादन करण्यात आले. बाबासाहेबांचा जो संदेश होता शिका आणि सक्षम व्हा या सूत्रानुसार शाहू फुले आंबेडकर यांच्या विचारावरती चालणारा समाज आणि त्या समाजाला घडवणारे हे सर्व दिग्गज नेते यांना अभिवादन करताना अतिशय मनापासून आनंद वाटतोय बाबासाहेबांना आदरांजली वाहताना आज महिला ह्या सक्षम  झाल्यात हेच यावरून सिद्ध  होते, समस्त महिलांच्या सबलीकरणात आणि सक्षमीकरणात डॉक्टर बाबासाहेब आंबेडकरांचे मोठे योगदान आहे. असे  मत डॉ प्राजक्ता बेणारे  यांनी व्यक्त केले. स्टेशन रोड येथील पूर्णाकृती पुतळ्यास पुष्पहार अर्पण करुन  बाबासाहेबांना विनम्र अभिवादन करण्यात आले. यावेळी  करताना डॉ प्राजक्ता बेणारे , जिल्हाध्यक्ष भारतीय जनता पार्टी महिला मोर्चा सोलापूर ग्रामीण, ...

 लंडन, युके येथे होणाऱ्या श्री विठ्ठल रुक्मिणी मंदिराच्या पादुकांचे मंदिर समितीच्या वतीने पूजन, पंढरपूर ते लंडन दिंडीचे प्रस्थान, पंढरपूर (प्रतिनिधी) :- श्री विठ्ठल भक्त अनिल एकनाथ खेडकर मुळ गांव अहिल्यानगर असून सध्या लंडन, युके येथे स्थायिक आहेत, ते युके म्हणजेच लंडन येथे श्री विठ्ठल रुक्मिणी मातेचे भव्यदिव मंदिर साकारणार आहेत. त्यानिमित्ताने आज पादुकासह दिंडी श्री विठ्ठल रूक्मिणी मंदिरात आल्यानंतर मंदिर समितीच्या वतीने त्यांचेकडील पादुकांचे मंदिर समितीच्या वतीने सह अध्यक्ष गहिनीनाथ महाराज औसेकर यांच्या हस्ते पुजन करण्यात आले.  लंडन येथे सहा एकर भव्य जागेत हे श्री विठ्ठल रुक्मिणी मंदिर साकारण्यात येत आहे. यावेळी मंदिर समितीच्या सदस्या शकुंतलाताई नडगिरे, ह.भ.प.ज्ञानेश्वर देशमुख जळगांवकर, कार्यकारी अधिकारी राजेंद्र शेळके, व्यवस्थापक मनोज श्रोत्री, लेखा अधिकारी मुकेश अनेचा व विभाग प्रमुख पांडूरंग बुरांडे तसेच अनिल खेडकर उपस्थित होते. महाराष्ट्र राज्याचे आराध्य दैवत असलेले पंढरपूर येथील श्री विठ्ठल रुक्मिणी मंदिर, आणि वारीची, संत परंपरेची गाथा आता जगभरात पोहोचणार असून काही वर्षात...

 उन्हाळ्यात पाण्याची टंचाई दूर करण्यासाठी सतर्कता बाळगा  आ.समाधान आवताडे यांनी दिल्या भिमा पाठबंधारे  आणि नीरा भाटघर विभागाला सूचना.. पंढरपूर/प्रतिनीधी  सध्या उन्हाळा मोठया प्रमाणात जाणवत आहे. यामुळे पाण्याची भीषण टंचाई होणार आहे. यामुळे पाणी टंचाई होणार नाही याची खबरदारी भिमा पाटबंधारे आणि निरा भाटगर विभागाने घेण्यासाठी योग्य त्या उपययोजना कराव्यात आशा सूचना पंढरपूर मंगळवेढा विधानसभा मतदारसंघाचे विकासप्रिय आमदार समाधान आवताडे यांनी दिल्या आहेत.    गुरुवारी पंढरपूर येथील शासकीय विश्रामगृह येथे भीमा पाटबंधारे आणि निरा भाटघर विभागातील संबंधित सर्व अधिकार्‍यांसमवेत बैठक घेण्यात आली. यावेळी आमदार आवताडे यांनी संबंधित अधिकारी व कर्मचाऱ्यांना सूचना दिल्या आहेत.    माण नदीतील बंधारे पूर्ण क्षमतेने भरण्यात यावेत .ज्या शेतकऱ्यांना पाणी मिळाले नाही त्या शेतकऱ्यांना प्राधान्याने पाणी देण्यात यावे अशा सूचनाही देण्यात आल्या.   या बैठकीसाठी पंढरपूर मंगळवेढा मतदारसंघातील  गावातील प्रमुख कार्यकर्ते बैठकीसाठी बोलावण्यात आले होते. या बैठकीमध्ये या उपस्थित...

 राज्य शासन दुष्काळग्रस्त भागाला पाणीदार करून सिंचन वाढवण्यासाठी कटिबद्ध             - उपमुख्यमंत्री एकनाथ शिंदे *उपमुख्यमंत्री एकनाथ शिंदे यांच्या हस्ते सांगोला येथील डॉ. बाबासाहेब आंबेडकर यांच्या पूर्णाकृती पुतळ्याचे अनावरण  *जिथे डॉ बाबासाहेब आंबेडकर यांच्या पाऊलखुणा असतील त्या ठिकाणचा शासन विकास करणार *सांगोला येथील डॉ बाबासाहेब आंबेडकर यांच्या स्मारकासाठी 50 लाखाच्या निधीची घोषणा *उपमुख्यमंत्री एकनाथ शिंदे यांची आरोग्य शिबिराला भेट पंढरपूर (प्रतिनीधी )राज्य शासन दुष्काळग्रस्त भाग पाणीदार करण्यासाठी विविध जलसंधारणाची कामे राबवत आहे. दुष्काळग्रस्त भागाला पाणी उपलब्ध करणे व सिंचन क्षमता वाढवणे यासाठी शासन कटिबद्ध असल्याचे प्रतिपादन राज्याचे उपमुख्यमंत्री एकनाथ शिंदे यांनी केले.       सांगोला येथे आयोजित भीमसैनिकांनी उभारलेल्या निधीतून डॉ बाबासाहेब आंबेडकर यांच्या पूर्णाकृती पुतळ्याचे तसेच माजी आमदार शहाजी बापू पाटील यांच्या आमदार निधीतून साकारण्यात आलेल्या भव्य स्मारकाच्या अनावरण प्रसंगी उपमुख्यमंत्री एकनाथ शिंदे मार्गदर्शन क...

 *लंगडी एकादशी आणि चंदन उटी* चैत्र हा हिंदू नववर्षाचा पहिला महिना. या वेळी अनेक गावांमध्ये त्या त्या दैवतांची यात्रा भरते. कोल्हापूरला ज्योतिबाची, जेजुरीला खंडोबाची, शिंगणापूरला शंभू महादेवाची. अशा अनेक तीर्थक्षेत्री चैत्र महिन्यात यात्रा असतात. पंढरपूरलाही चार मुख्य वाऱ्यांपैकी एक असणारी चैत्री वारी चैत्र शुद्ध एकादशीला भरते. ही वारी म्हणजे हरिहर ऐक्याची खूण आहे. बहुतांश भाविक प्रथम शिखर शिंगणापूरला जाऊन नंतर पंढरपूरला येतात. या चैत्री वारीची कथा मोठी रंजक आहे. आणि पंढरपूरच्या विठ्ठलाचे मानवीकरण दर्शवणारी आहे.         या एकादशीला विठ्ठल लंगडी एकादशी करतो. त्याचे काय झाले की विठ्ठल रूक्मिणी मातेसह शिंगणापूरला शंभू महादेव आणि पार्वतीमातेच्या विवाहाच्या सोहळ्यात सहभागी होण्यासाठी येतो. एकादशी म्हणून सकाळपासून उपवास केलेला असतो. पण विवाह सोहळ्याच्या धामधुमीत, विवाहास आलेल्या देव, ऋषीगण, इतर पै पाहुण्यांशी बोलताना, गप्पा मारताना आपला उपवास आहे हेच विसरून जातो. आणि दुपारच्या पंगतीत सगळ्यांच्या बरोबर जेवायला बसतो. रूक्मिणी माता त्याला सांगायचा प्रयत्न करते. पण दे...

 चैत्री यात्रेसाठी  चंद्रभागा नदीपात्रात सोडले पाणी                 *  वारकरी, भाविकांना चंद्रभागा नदीत करता येणार पवित्र स्नान            पंढरपूर दि.०६:- चैत्र  शुध्द एकादशी  ०८ एप्रिल  २०२५ रोजी असून,   यात्रा कालावधी  दि.०२  ते १२ एप्रिल आहे.  या यात्रा कालावधीत श्री विठ्ठल- रुक्मिणी दर्शनासाठी मोठ्या प्रमाणात भाविक येतात. वारकऱ्यांसाठी चंद्रभागेचे स्नान फार पवित्र मानले जाते.श्री विठ्ठल- रुक्मिणीमातेचे दर्शन घेण्यापुर्वी भाविक चंद्रभागा स्नान करतात. तसेच चैत्र महिन्यात कावडी स्नानासाठी देखील कावडी घेऊन मोठ्या प्रमाणात भाविक येतात.भाविकांना चंद्रभागाभागा नदी पात्रात पवित्र स्नान करता यावे.  यासाठी दगडी पूला जवळील नगरपरिषदेच्या बंधाऱ्यातून २५० क्युसेक्सने पाणी सोडण्यात आले आहे.                 चंद्रभागा नदीपात्रातील पाण्याची पातळी कमी झाल्याने व जास्त काळ पाणी साठून राहिल्याने पाण्यावर शेवाळे येऊन पाणी जास्त का...

 *खर्डी येथील जुगार अड्ड्यावर पंढरपूर तालुका पोलिसांची मोठी कारवाई एकूण १५७००० हजार रुपये रोख रक्कम व १८ हजार रुपयाची अवैध दारू असा एकूण एक लाख ७५ हजार रुपयांचा  मुद्देमाल जप्त.  पंढरपूर (प्रतिनीधी) पंढरपूर सांगोला रोडवरील   खर्डी या ठिकाणी पप्पू अभंगराव यांच्या हॉटेलच्या मागे अवैध जुगार चालू असल्याची माहिती मिळाल्याने धाड टाकून कारवाई करण्यात आली.  शनिवार दि ५रोजी अधीक्षक  अतुल कुलकर्णी अप्पर पोलीस अधीक्षक , प्रीतम यावलकर   उपविभागीय पोलीस अधिकारी  अर्जुन भोसले आयपीएस मॅडम श्रीमती अंजना कृष्णा  यांच्या मार्गदर्शनाखाली पंढरपूर तालुका पोलीस स्टेशनचे वरिष्ठ पोलीस निरीक्षक टी वाय मुजावर पीएसआय भारत भोसले पीएसआय विक्रम वडणे पीएसआय पाटील पीएसआय संजय राऊत पोलीस कॉन्स्टेबल सागर गवळी पोलीस हवालदार मंगेश रोकडे दत्तात्रय तोंडले पोलीस हेडकॉन्स्टेबल विनायक नलावडे पोलीस कॉन्स्टेबल तात्या गायकवाड चालक पोलीस कॉन्स्टेबल चाटे यांच्या पथकाने खर्डी येथील अभंगराव यांच्या हॉटेलच्या मागे शनिवारी सायंकाळी पाच वाजण्याच्या सुमारास धाड टाकली असता एकूण वीस आर...

 *माढ्याच्या मातीतुन पहिला महाराष्ट्र केसरी होण्याचा मान पै.शेळके यांनी मिळविला* - आ. अभिजीत पाटील  *(शेळके कुटुंबाच्या पाठीशी कायम उभे राहणार आमदार पाटील यांची घोषणा)* प्रतिनिधी/-  कुस्ती क्षेत्रात अत्यंत महत्त्वाच्या समजल्या जाणाऱ्या महाराष्ट्र केसरी स्पर्धेत ६६ वा महाराष्ट्र केसरी होण्याचा बहुमान बेंबळे येथील पै. वेताळ शेळके यांनी मिळविला असून माढ्याच्या मातीतुन पहिला महाराष्ट्र केसरी होण्याचा  बहुमान पैलवान शेळके यांनी मिळविला असल्याचे प्रतिपादन माढा विधानसभा मतदारसंघाचे आमदार अभिजीत आबा पाटील यांनी केले. माढा तालुक्यास प्रथमच महाराष्ट्र केसरी होण्याचा बहुमान पैलवान शेळके यांनी मिळवुन दिला असून या निमित्ताने मतदारसंघाचे आमदार अभिजीत आबा पाटील यांचे हस्ते पैलवान शेळके यांचे मूळ गावी बेंबळे या ठिकाणी जाहीर सत्काराचे आयोजन करण्यात आले होते. यावेळी आमदार पाटील बोलत होते. यावेळी बेंबळे वासियांच्या वतीने पैलवान शेळके यांची गावातून भव्य अशी मिरवणूक काढण्यात आली. संघर्षातून वाट काढून आई वडीलाचं स्वप्न पूर्ण करणाऱ्या बेंबळे येथील महाराष्ट्र केसरी पै.वेताळदादा शेळके व त्या...

 आज भारतीय जनता पार्टीचा ४५ वा वर्धापन दिन जिलेबी वाटून उत्साहात साजरा. पंढरपूर(प्रतिनीधी) पंढरपूर येथे भाजप पक्षाच्या वतीने रविवार दि.  ६ एप्रिल २०२५ रोजी भारतीय जनता पार्टीचा ४५ वा वर्धापन दिन छत्रपती श्री.शिवाजी महाराज चौक या ठिकाणी जिलेबी वाटून उत्साहात साजरा झाला. यावेळी भारतीय जनता पार्टीचे प्रदेश सदस्य आदरणीय श्री.बाबासाहेब बडवे,जे पंढरपूरच्या भारतीय जनता पार्टीच्या कार्यकारणीच्या मूळ वटवृक्षाची एक फांदी म्हणून ज्यांनी भारतीय जनता पार्टीच्या स्थापनेपासून काम केलेल होत. आदरणीय बाबासाहेबांनी यावेळी भारतीय जनता पार्टीच्या ध्वजाचं पूजन त्याचबरोबर आज रामनवमीचा योग असल्यामुळे रामध्वजाचे पूजन करून श्री.विठ्ठल रुक्मिणीला जिलेबीचा नैवेद्य दाखवून जिलेबीचे वाटप केले.  यावेळी २००४ च्या कार्यकाळातील माजी तालुकाध्यक्ष,पंढरपूर पंचायत समिती उपसभापती,महाराष्ट्र द्राक्ष बागायतदार संघ मा.अध्यक्ष व सध्याचे विद्यमान जिल्हा कार्यकारणी सदस्य श्री.प्रशांत भैय्या देशमुख, तसेच कृषी उत्पन्न बाजार समितीचे माजी उपसभापती श्री संतोष  घोडके, सोलापूर ग्रामीण जिल्हाध्यक्ष डॉ.प्राजक्ता बेणारे,...

 शेतीसाठी आधुनिक सिंचन पद्धतीचा अवलंब आवश्यक: जलसंपदा मंत्री राधाकृष्ण विखे पाटील *राज्याची सिंचन क्षमता पूर्वी ३.८६ लाख हेक्टर होती, आता ती ५५ लाख हेक्टरवर पोहोचली पंढरपूर, (प्रतिनीधी)- पूर्वी शेतीसाठीच सिंचन व्यवस्था होती. परंतु औद्योगीकरण आणि शहरीकरणामुळे शेतीसाठी उपलब्ध पाणी कमी होत असल्याने, पारंपरिक सिंचन पद्धतीत बदल करून आधुनिक तंत्रज्ञानाचा सिंचनासाठी शेतकऱ्यांनी वापर करणे आवश्यक असल्याचे प्रतिपादन जलसंपदा मंत्री राधाकृष्ण विखे पाटील यांनी केले.       सांगोला महाविद्यालयात आयोजित २१ व्या महाराष्ट्र सिंचन परिषदेत मंत्री विखे पाटील यांच्या हस्ते उद्घाटन करण्यात आले. या परिषदेत आमदार बाबासाहेब देशमुख, माजी आमदार शहाजी बापू पाटील, जलसंपदाचे सचिव डॉ. संजय बेलसरे आदींचा समावेश होता. या कार्यक्रमात विविध जिल्ह्यातून नागरिक मोठ्या संख्येने उपस्थित होते. *दुष्काळमुक्त महाराष्ट्र* जलसंपदा मंत्री श्री. विखे पाटील यांनी सांगितले की, महाराष्ट्र सरकारचे धोरण आहे की राज्याला पूर्णपणे दुष्काळमुक्त करणे. पुराच्या अतिरिक्त पाणी वाया जाऊ नये म्हणून नदी जोड प्रकल्पांना चालना दिल...

 स्वेरीज् कॉलेज ऑफ इंजिनिअरिंगच्या १३ विद्यार्थ्यांचे 'गेट' परीक्षेमध्ये उज्वल यश पंढरपूर-(प्रतिनिधी )तंत्रशिक्षणामध्ये सर्वोच्च मानल्या जाणाऱ्या राष्ट्रीय स्तरावरील 'गेट' (ग्रॅज्युएट एप्टीट्यूड टेस्ट इन इंजिनिअरिंग) या परीक्षेमध्ये गोपाळपूर (ता.पंढरपूर) येथील स्वेरीज् कॉलेज ऑफ इंजिनिअरिंग (ऑटोनॉमस) च्या  कॉम्प्यूटर सायन्स अँड इंजिनिअरिंग, सिव्हील इंजिनिअरिंग व मेकॅनिकल इंजिनिअरिंग  या तिन्ही विभागातून १३ विद्यार्थ्यांनी उज्वल यश संपादन केले आहे. 'गेट' या परीक्षेत प्रत्येक वर्षी स्वेरीचे विद्यार्थी चमकतात. शैक्षणिक वर्ष २०२४-२५ मध्ये या परीक्षेतील यशस्वी विद्यार्थ्यांचे सर्वत्र कौतुक होत आहे.            राष्ट्रीय स्तरावरील ‘गेट’ या मानव संसाधन विकास मंत्रालयाच्या अंतर्गत आणि आय.आय.एस.सी. आणि आय.आय.टी. या उच्च तंत्रशिक्षण संस्थांच्या माध्यमातून घेतल्या गेलेल्या 'गेट-२०२५' या परीक्षेमध्ये स्वेरीज् कॉलेज ऑफ  इंजिनिअरिंगच्या कॉम्प्यूटर सायन्स अँड इंजिनिअरिंग विभागातील अंतिम वर्षात शिक्षण घेणारे अमोल दत्तात्रय जाधव, गणेश राजाराम कचरे, तिसऱ्या...