Gophan News

 जगाची दिशा पाहून शिक्षणासाठी डॉ. रोंगे सर जे कार्य करतील त्यास सदैव सहकार्य असेल -उच्च व तंत्रशिक्षण मंत्री ना. चंद्रकांतदादा पाटील स्वेरीमध्ये लॉ कॉलेज व भव्य क्रीडांगणाचे उदघाटन आणि मुलींच्या नूतन वसतीगृहाची पायाभरणी हे कार्यक्रम संपन्न पंढरपूर(प्रतिनिधी)- ‘आज जागतिक स्तरावर भारताला क्रीडा क्षेत्रात पदके मिळत आहेत ही बाब अभिमानास्पद आहे. एशियायी आणि राष्ट्कुल स्पर्धेमध्ये भारताने पदके मिळविली असून आता ऑलम्पिक स्पर्धेचे ध्येय आहे म्हणून जे ध्येय बाळगतात ते काहीतरी करायचे ठरवितात. पुढे ध्येयवेडी माणसं धाडसी बनतात. त्याप्रमाणे डॉ. रोंगे सरांनी धाडसाने स्वेरी या शिक्षणसंकुलाची उभारणी केली. जग हे ज्ञानावर आणि संशोधनाच्या जोरावर श्रीमंत झाले आहे. म्हणून जगाची दिशा पाहून शिक्षणासाठी डॉ. रोंगे सर जे कार्य करतील त्यास सदैव सहकार्य असेल’ असे आश्वासन उच्च व तंत्रशिक्षण मंत्री ना. चंद्रकांतदादा पाटील यांनी दिले.              ‘स्वेरीमध्ये स्वेरीज् लॉ कॉलेज पंढरपूर, नवीन बहुउद्देशीय इमारत व विद्युत प्रकाशझोताच्या सुविधेने सुसज्ज भव्य क्रीडांगण यांचे उदघाटन आ...

 स्वेरी इंजिनिअरिंग कॉलेज येथे उद्या उद्घाटन समारंभ व पायाभरणी सोहळा तसेच विविध कार्यक्रमांचे आयोजन चंद्रकांत (दादा) पाटील (उच्च व तंत्रशिक्षण मंत्री आणि संसदीय कार्यमंत्री, महाराष्ट्र राज्य तथा पालकमंत्री, सांगली जिल्हा) अध्यक्ष जयकुमार (भाऊ) गोरे (ग्रामविकास आणि पंचायतराज मंत्री, महाराष्ट्र राज्य तथा पालकमंत्री, सोलापूर जिल्हा) यांच्या उपस्थितीत होणार आहे. पंढरपूर (प्रतिनिधी) - मागील २७ वर्षांपासून अविरतपणे श्री. विठ्ठल एज्युकेशन अँड रिसर्च इन्स्टिट्यूट, पंढरपूर अर्थात 'स्वेरी' या संस्थेच्या माध्यमातून तंत्रशिक्षणाचे ज्ञानामृत अनेक पिढ्यांना देत आलो आहोत. या माध्यमातून तंत्रशिक्षणाची 'ज्ञानगंगा' ग्रामीण भागात प्रवाहित करण्यात आम्ही यशस्वी ठरत आहोत. स्वेरी, पंढरपूरच्या यशस्वी आणि गौरवशाली रौप्यमहोत्सवी वाटचालीसोबतच व्यावसायिक अभ्यासक्रमांच्या श्रेणीत असणाऱ्या विधी महाविद्यालयाची सुरुवात शैक्षणिक वर्ष २०२५-२६ मध्ये करीत आहोत. स्वेरी लॉ कॉलेज पंढरपूर, नवीन बहुउद्देशीय इमारत व विद्युत प्रकाशझोताच्या सुविधेने सुसज्ज भव्य क्रीडांगण यांचे उद्घाटन आणि मुलींचे ९ मजली नूतन वसती...

   स्वेरीत ‘स्टार्टअप इग्निशन २.०’ ही व्यवसाय आयडिया पिचिंग स्पर्धा संपन्न   पंढरपूर (प्रतिनिधी)- गोपाळपूर (ता. पंढरपूर) मधील स्वेरीज् कॉलेज ऑफ इंजिनिअरिंग मध्ये दि. २१ ऑगस्ट २०२५ रोजी स्वेरीच्या ई-सेल व आयट्रिपल ई यांच्या संयुक्त विद्यमाने ‘स्टार्टअप इग्निशन २.०’ या व्यवसाय आयडिया पिचिंग स्पर्धेचे यशस्वी आयोजन करण्यात आले होते.          स्वेरीचे संस्थापक व प्राचार्य डॉ. बी. पी. रोंगे यांच्या मार्गदर्शनाखाली, उपप्राचार्या डॉ. मिनाक्षी पवार यांच्या नेतृत्वाखाली व कॅम्पस इन्चार्ज डॉ.एम.एम.पवार यांच्या सहकार्याने ही स्पर्धा संपन्न झाली. प्रास्तविकात नुपूर आचलारे आणि प्रतिक्षा चौधरी यांनी ‘स्टार्टअप इग्निशन २.०’ ची माहिती देवून स्पर्धेचे स्वरुप सांगितले. दीप प्रज्वलनानंतर प्रमुख पाहुणे म्हणून लाभलेले मुंबई मधील सरदार पटेल इन्स्टिट्यूट ऑफ टेक्नॉलॉजी येथील संगणक अभियांत्रिकी विभागातील डॉ. प्रमोद बिडे हे विद्यार्थ्यांना मार्गदर्शन करत होते. त्यांनी आपल्या भाषणात ‘उद्योजकतेचे महत्त्व, स्टार्टअप सादर करण्यासाठीची कौशल्ये व तयारी करण्यासाठी मुद्दे त्याचप्रम...

 स्वेरी कॉलेज ऑफ इंजीनियरिंग पंढरपूर येथे कपिकुल सिद्धपीठ तर्फे विद्यार्थ्यांना रोबोटिक्स व  स्पिरिच्युएलिटी या विषयी मार्गदर्शन... पंढरपूर (प्रतिनिधी) श्री कपिकुल सिद्धपीठ नाशिकच्या पिठाधिश्वरी १००८ श्री सद्गुरु वेणाभारती महाराज व कपिकुलच्या उत्तराधिकारी कार्याध्यक्षा श्री कृष्णमयी तसेच कपिकुल मेकॅट्रॉनिक्स प्रायव्हेट लिमिटेड चे डायरेक्टर श्री पार्थ सर यांद्वारे स्वेरी कॉलेज ऑफ इंजीनियरिंग च्या विद्यार्थ्यां करीता रोबोटिक्स तंत्रज्ञान व अध्यात्म याचे अतिशय सुंदर व्याख्यान स्वेरी कॉलेजच्या प्राचार्यांद्वारे आयोजित करण्यात आले. याप्रसंगी सर्वप्रथम सद्गुरूंचे, कृष्णमयी मॅडम व डायरेक्टर पार्थ सर यांचे कॉलेजच्या उपप्राचार्य व इतर शिक्षक यांद्वारे स्वागत करण्यात आले त्यानंतर दीपप्रज्वलन व कॉलेजतर्फे तिन्ही मान्यवरांचा सत्कार करण्यात आला स्वेरी कॉलेजच्या विविध डिव्हिजनच्या सुमारे चारशे विद्यार्थ्यांच्या उपस्थितीत हा कार्यक्रम संपन्न झाला. याप्रसंगी सर्व विद्यार्थ्यांना सर्वप्रथम उत्तराधिकारी श्रीकृष्णमयी यांनी कपिकुल मेकॅट्रॉनिक्स या रोबोटिक्स कंपनीचे उद्देश व सद्गुरु वेणा भारती महा...

 पंढपूरात पूरपरिस्थिती  मंदिर समितीकडून स्थलांतरित  कुटुंबियांना फुड पॅकेटचे वाटप                                                                                                 -मंदिर समितीचे सह अध्यक्ष गहिनीनाथ महाराज औसेकर *चंद्रभागा नदीपात्रात बोट व जीवरक्षकांची नियुक्ती, पंढरपूर (प्रतिनिधी ):- वीर आणि उजनी धरणाची पाणी पातळी नियंत्रित करण्यासाठी  धरणातून मोठ्या प्रमाणात विसर्ग सोडण्यात आल्याने चंद्रभागा नदीच्या पाणी पातळीत वाढ झालेली आहे. प्रशासनाकडून चंद्रभागा नदी काठच्या नागरिकांचे सुरक्षितस्थळी स्थलांतर केले असून,  स्थलांतरीत नागरिकांना  श्री विठ्ठल रूक्मिणी मंदिरे समिती मार्फत फुड पॅकेट वाटप करण्यात येत आहेत. तसेच चंद्रभागा नदीपात्रात जीवरक्षकांची नियुक्ती करण्यात आली असल्याची माहिती मंदिर समितीचे सह अध्यक्ष गहिनी...

 पूरग्रस्त पंढरपूरकरांसाठी स्थलांतर व सोयीसुविधा उपलब्ध करून द्या – खासदार प्रणिती शिंदे यांची मागणी. पंढरपूर(प्रतिनिधी )- मंगळवेढा - मोहोळ तालुक्यात भीमा नदीकाठ पूर नियंत्रण कक्ष सज्ज ठेवण्याची मागणी पंढरपूर, मंगळवेढा, मोहोळ तालुक्यामधील भीमा नदी काठावरील शहरी व ग्रामीण भागात पूर नियंत्रण कक्ष व संबंधित यंत्रणा सज्ज ठेवण्याबाबत सोलापूर लोकसभा मतदारसंघाच्या खासदार प्रणिती शिंदे यांच्या वतीने तहसीलदार सचिन लंगुटे यांच्या मार्फत . प्रांताधिकारी पंढरपूर सचिन इथापे यांना निवेदन देण्यात आले.  या निवेदनाद्वारे खासदार प्रणिती शिंदे यांनी अशी मागणी केली की, सध्या उजनी व वीर धरणातून पाण्याचा विसर्ग मोठ्या प्रमाणात येत आहे. यामुळे भीमा नदीची पाणी पातळी मोठ्या प्रमाणात वाढली असून पूर परिस्थिती निर्माण होत आहे. यामुळे भीमा नदीकाठचा पंढरपूर, मंगळवेढा, मोहोळ तालुक्यामधील व पंढरपूर शहरातील सखल भागात पाणी शिरत आहे. यामुळे नागरिकांना मोठ्या प्रमाणात स्थलांतर करावे लागणार आहे. स्थलांतरास लागणाऱ्या उपाययोजना आपल्या प्रशासनामार्फत तात्काळ करण्यात याव्यात. तसेच पूरग्रस्त नागरिकांची इतर सुरक्षित ठि...

 भीमा नदीला १लाख ४६ हजाराचा विसर्ग; नदीकाठच्या नागरिकांनी सतर्कता बाळगावी                                                     पंढरपूर (प्रतिनिधी):  उजनी व वीर धरणाच्या पाणलोट क्षेत्रामधील सततच्या पावसामुळे  धरणाच्या पाणी पातळीमध्ये सातत्याने वाढ होत आहे .धरणाची पाणी पातळी नियंत्रित करण्यासाठी उजनी  धरणातून ९१ हजार ६०० क्यूसेक्स तर वीर धरणातून ५४ हजार ७६० क्यूसेक्स असा एकूण १ लाख ४६ हजार ३६० क्यूसेक्स इतका विसर्ग सोडण्यात  आल्याने नदीकाठच्या  नागरिकांनी सतर्कता बाळगावी, असे आवाहन तहसीलदार सचिन लंगुटे यांनी केले आहे.     आज दि.२० ऑगस्ट  रोजी दुपारी ३ वाजता संगम येथून १ लाख २० हजार ६९५ क्सूसेक्सने पाणी वाहत आहे तर चंद्रभागा नदी पात्रातून ६० हजार २४७ क्सूसेक्सने पाणी वाहत आहे.उजनी व वीर धरण घाटमाथ्यावरील पावसाच्या प्रमाणानुसार व धरणामध्ये येणाऱ्या पाण्याच्या आवक (Inflow) नुसार विसर्गामध्ये अजून वाढ होण्याची शक्यता...

 *कर्मयोगी इन्स्टिट्यूट मध्ये स्वातंत्र्यदिन मोठ्या उत्साहात साजरा.* श्री पांडुरंग प्रतिष्ठान संचलित कर्मयोगी इन्स्टिट्यूट ऑफ टेक्नोलॉजी शेळवे पंढरपूर येथे १५ ऑगस्ट २०२५ रोजी भारताचा स्वातंत्र्यदिन मोठ्या उत्साहात साजरा करण्यात आला. यावेळी प्राचार्य डॉ. एस पी पाटील यांच्या हस्ते ध्वजारोहण करण्यात आले. भारतासारख्या विविधतेने नटलेल्या देशात एक राष्ट्र या संकल्पनेशी एकरूप राहण्याची प्रेरणा देणारा आज चा दिवस असून या देशाला स्वातंत्र्य मिळण्यासाठी तन, मन, आणि धनाने बलिदान दिलेल्या शुर वीरांचे स्मरण करण्याचा दिवस आहे असे सांगून त्यांनी उपस्थितांमध्ये राष्ट्र प्रेमाची भावना जागृत केली. आपण करीत असलेले काम प्रामाणिकपणे करून सर्व कर्तव्ये बजावणे हीच भारत मातेची सेवा आहे असेही त्यांनी सांगितले. भारताला शक्तिशाली बनविण्याचे सामर्थ्य हे तरुणांमध्ये असून प्रत्येकानी एक जबाबदार नागरिक बनण्यासाठी प्रामाणिकपणे काम करावे असे सांगून त्यांनी सर्वांना स्वातंत्र्य दिनाच्या शुभेच्छा दिल्या. यावेळी श्री पांडुरंग प्रतिष्ठान चे विश्वस्त श्री. रोहन परिचारक, महाविद्यालयाचे प्राचार्य डॉ. एस पी पाटील, कर्मयोगी...

 आज गोकुळ अष्टमी.. तुमच्या माझ्या प्रिय कृष्णाचा जन्मदिवस. भारतीय जीवनाशी कृष्ण अनेक नात्यांनी गुंफला आहे. तो खोडकर मुलगा आहे. उत्कट प्रेमी आहे. संयमी पती आहे. द्रौपदीचा सखा आहे. कुशल संघटक आहे. यशस्वी राजकारणी आहे. आणि पंढरपूरला आल्यावर तर तो सर्वांचा विठू माऊलीही झाला आहे. लेकुरवाळा होऊन सतांना, भक्तांना अंगाखांद्यावर खळवू लागला. त्याची ही मोहक रूपे आपल्याला सतत भोवताली  दिसत राहतात. भारतीय लोकमानसाने श्रीकृष्णाला फार मधुर रंग दिले आहेत. पण या सार्‍या रंगा उठून दिसतो तो त्याचा प्रेमरंग. सामान्य माणसांबरोबर ऋषीमुनी आणि संत महंतांनीही त्याला या रूपात स्वीकारलं. उदात्त प्रेमभावनेने त्याला सजवलं.   घनश्याम कृष्ण चित्तचोर आहे. या चित्तचोराने मीरेचे चित्त कधी चोरले ते तिचे तिला देखील कळले नाही. लहानपणी आईबरोबर खिडकीतून लग्नाची वरात पाहताना तिने आईला 'माझा नवरा कोण?' असे विचारल्यावर आईने श्रीकृष्णाच्या मूर्ती कडे बोट दाखवून गंमतीने हा तुझा नवरा असे म्हटले.. आणि ही वेडी त्या क्षणापासून त्याच्यावर जीव जडवून बसली. तिला त्याच्या शिवाय काही सुचेना. ती सतत कृष्ण भक्तीत तल्लीन राहू ल...

 वारकरी संप्रदायाच्या बैठकीत महाराज मंडळींचा कॉरिडॉर प्रकल्पास कडाडून विरोध, सुवर्णमध्य काढण्यासाठी अभ्यास कृती समिती नेमण्याची मागणी.  पंढरपूर(प्रतिनिधी ) _ पंढरपूर येथील संभाव्य कॉरिडॉर प्रकल्प चांगलाच वादग्रस्त झाला असून मंगळवार दि१२रोजी पंढरपूर येथील केबिपी कॉलेज मध्ये झालेल्या  जिल्हाधिकारी कुमार आशीर्वाद यांच्या प्रमुख उपस्थितीत झालेल्या बैठकीत महाराज मंडळीसह नागरिकांनी कडाडून विरोध केला. सर्व वारकरी संप्रदाय महाराज मंडळींनी सध्याच्या प्रस्तावित विकास आराखड्यातील उद्धस्तीकरणाला ठाम विरोध दर्शविला. त्यांनी दिलेल्या सुचनांचे दिलेल्या भुवैकुंठ विकास आराखड्याचे काय झाले हा प्रतिप्रश्न करण्यात आला.  नागरीकांसोबतच माजी आमदार प्रशांत  परिचारक यांनी लोकांची घरेदारे पाडून काॅरीडाॅर करण्याऐवजी नेमकं काय कारणं गरजेचे आहे हे सुचना करणारे पत्र  तत्कालीन जिल्हाधिकारी यांना लिखित स्वरूपात दिले होते त्या सुचना का स्विकारल्या नाही हा प्रश्न देखील विचारण्यात आला.  विकासाला आमचा विरोध नाही फक्त तो विकास प्रथा , परंपरा यांचे पालन करत वारकरी संप्रदाय व पंढरपूर नागरिक...

 महाराष्ट्राचा इतिहास दाखविणार पंढरीतील  बालचमू. पंढरपूर  प्रतिनिधी अखिल भारतीय मराठी नाट्य परिषद मुंबईची घटक संस्था असलेल्या बालरंगभूमी परिषदेने महाराष्ट्रातील सर्व शाखांमधून इतिहास महाराष्ट्राचा या उपक्रमाचे आयोजन केले आहे. महाराष्ट्राच्या इतिहासातील प्रेरक व्यक्तिमत्वाचे आकर्षण प्रत्येकाला आहेच. त्या ऐतिहासिक व्यक्तिमत्त्वाचा आदर्श बालकांपुढे व्हावा व त्यातूनच त्यांनी बोध घेत सकारात्मक विचार करावा या उद्देशाने बाल रंगभूमी परिषदेच्या अध्यक्ष अॅड. नीलम शिर्के सामंत यांच्या संकल्पनेतून इतिहास महाराष्ट्राचा या उपक्रमाचे आयोजन केले आहे. या स्पर्धेकरिता छ. शिवाजी महाराज श्री जन्मोत्सव ते श्री शिवराज्याभिषेक हा विषय देण्यात आला असल्याची माहिती बालरंगभूमी परिषद यांच्या वतीने अध्यक्ष अतुल अंमळनेरकर,कार्याध्यक्ष अमित वाडेकर, प्रमुख कार्यवाह वैभव जोशी, प्रमुख मार्गदर्शक शांताराम कुलकर्णी, सौ मीरा परिचारक पंढरपूर  यांनी दिली.  महाराष्ट्रातील बालरंगभूमी परिषदेच्या २६ शाखास्तरावर प्राथमिक फेरी होणार असून, या उपक्रमात एकल गट-१ वय वर्षे ५ ते १० व एकल गट-२ वय वर्षे ११ ते १५ य...

 सौ. लक्ष्मी बडवे संचलीत नटराज भरतनाट्यम क्लासेसच्या विर्द्यार्थिनिंनी जिंकली सोलापुरकरांची मने!  पंढरपूर (प्रतिनिधी)       सोलापूर येथील संस्कारभारती महानगर सोलापूर व सर्व शास्त्रीय नृत्य संस्था यांच्या संयुक्त विद्यमाने ,श्रीकृष्ण जन्माष्टमी निमित्त कृष्णरंग हा शास्त्रीय नृत्याचा कार्यक्रम सोलापूर येथील श्री शिवछत्रपती रंगभवन येथे संपन्न झाला. यामध्ये पंढरीतील सौ. लक्ष्मी बडवे संचलीत नटराज नृत्त्य संस्थेच्या श्रीया बडवे , श्रीशा देशपांडे ,श्रुती कुलकर्णी ,  सृष्टी बजाज , श्रिया पाटील, श्रुती चौधरी, तनिषा कुसुरकर, रागिनी ठिगळे, ओवी कोठारी ,समृद्धी मामालाया  या विद्यार्थिनींनी सहभाग घेतला होता. तसेच या कार्यक्रमात विविध गावातील ३० संघातून सुमारे १५० विद्यार्थी सहभागी झाले होते. या कलाविष्कारात सौ. जान्हवी पुजारी दुदगीकर, कु. श्रेया बडवे व कु. श्रीशा देशपांडे यांच्या विविध आदांवर प्रेक्षकांनी टाळ्यांच्या गजरात प्रचंड दाद दिली.      या कार्यक्रमात प्रमुख पाहुणे म्हणून पुणे येथील आचार्य शाहीर श्री हेमंतराजे पु. मावळे, व स्वाती दातार, सांगली...

 *अनंतपूर ऊर्फ अंतापूर*   *निर्गुणींचें वैभव आलें भक्तीमिषें।*  *तें हें विठ्ठलवेषें ठसविलें।।*  निर्गुण परमात्म्याचे वैभवच पुंडलिकाच्या भक्तीच्या निमित्ताने पंढरपूरला येऊन विठ्ठल रूपाने साकार झाले.  या स्थानाचे महात्म्य इतके अलौकिक आहे की इथल्या तृणांकुरात आणि पाषाणातही देवत्व भरलेले आहे.  *ऐका पंढरीचे महिमान।* *राऊळ तितके प्रमाण।* *तेथील तृण आणि पाषाण।*  *ते ही देव जाणावे।।* ही पंढरी म्हणजे जणू भूवैकुंठच!! इथल्या सारखा आनंद त्रैलोक्यात नाही. भक्तांना तोषवणाऱ्या विठ्ठलाची ओढ माणसांना तर आहेच पण स्वर्गीय देवांनाही त्याची ओढ आहे. म्हणून स्वर्गीचे देव इथे पंढरपुरात नित्य वास्तव्यास आले आहेत. सर्व देव आणि तीर्थे यांची एकाच स्थानी वस्ती या क्षेत्राशिवाय अन्यत्र कोठेही नाही. गयासुराला दिलेल्या वरामुळे त्रैलोक्यात असलेले सर्व देव, तीर्थे, गंगादिक महानद्या, पुण्यकारक सरोवरे पंढरपुरात आहेत‌‌. भारतवर्षातील पवित्र बारा ज्योतिर्लिंगेंही पंढरपुरात आहेत. त्यातील एक म्हणजे अनंतपूर‌‌. कालौघात अनंतपूरचे बोलीभाषेत अंतापूर हे नाव रूढ झाले‌. *तदग्रेऽनंततीर्थे तु अनं...

 कॉरिडॉर रद्द करण्यासाठी  महिलांचे अनोखे आंदोलन पंतप्रधान व मुख्यमंत्री यांना पाठवल्या नो कॉरिडॉरच्या राख्या, रक्ताचा टिळा पंतप्रधान, मुख्यमंत्री यांच्या फोटोला लावून केली मागणी. प्रतिनिधी  पंढरपूर- ज्या लाडक्या बहिणींनी देवा भाऊच सरकार याव यासाठी देव पाण्यात ठेवले होते त्याच सरकारने आमच्या घरांवर नांगर फिरवू नये अशी मागणी करत येथील कॉरिडॉर मधील संभाव्य बाधित कुटुंबातील महिलांनी पंतप्रधानांसह मुख्यमंत्री, उपमुख्यमंत्री यांच्या छायाचित्रांना रक्ताचा टिळा लावत नो कॉरिडोर नो डीपीच्या राख्या पाठवून अनोखे आंदोलन केले. येथील श्रीकृष्ण मंदिरा समोरील चौफाळा येथे सदर आंदोलन करण्यात आले.  राज्य शासनाने जाहीर केलेल्या पंढरपूर कॉरिडॉरला मोठ्या प्रमाणात विरोध होत असून यासाठी विविध आंदोलने देखील केली जात आहेत. काॅरिडॉर अंतर्गत बाधित होणाऱ्या कुटुंबातील महिलांनी एकत्र येत राखी पौर्णिमेच्या पार्श्वभूमीवर आजचे आंदोलन केले होते. यावेळी मोठ्या संख्येने एकत्र आलेल्या महिलांनी नो कॉरिडॉर नो डीपी चे लेबल लावलेल्या राख्या तयार केल्या होत्या. सदर राख्या पोस्टाने पंतप्रधान नरेंद्र मोदी, मुख्...

 *"अभागी भगीनीचे                 रक्षा बंधनानिमित्त अनावृत्तपत्र"* . हे दयाघना, करूणाकरा तू करूणेचा सागर आहेस, ज्याप्रमाणे नारायणाने मगरीच्या तावडीतून गजेंद्राची सुटका केली तद्वतच तू नांदणी (कोल्हापूर) येथील माधुरी हत्तीणीची आणि कोल्हापूर येथील जनतेची कणव येऊन वनतारा जंगलातून परत कोल्हापूर येथे पाठवण्यासाठी मुंबई उच्च न्यायालयाच्या निर्णयाविरुद्ध सर्वोच्च न्यायालयात फेरविचार याचिका दाखल केली.दादर येथील कबूतरखाना उठवण्याचा आदेश मुंबई उच्च न्यायालयाने दिला असून आणि.कबूतराच्या  विष्ठेतील जंतू संसर्गामुळे जीवघेणा श्वसनाचे आजार होतो हे माहित असताना देखील कबूतरावर दया दाखवताना आपल्यातील शांतीदूत जागा झाला खरोखरच आपण करूणेचा सागर आहात आपण लाडक्या बहिणीची काळजी घेताना केवळ बहीणीनाच नव्हे तर भावना देखील ओवाळणी घातली . जे जे भेटे भूत त्यासी मानले भगवंत या नीतीने आपण वागत आहात प्रत्येक जीव मात्राची आपण काळजी घेत आहात यामुळे आम्हाला खूप आनंद वाटत आहे. पंढरपूर आषाढी एकादशी साठी खरा वारकरी दोनशे कीलोमीटर हून अधिक अंतर पायी चालत येतो चंद्रभागेत स्...

 नक्शा' कार्यक्रमांतर्गत नगरपालिका हद्दीतील मिळकतीचे नगर भूमापन कामकाजाला सुरुवात                                                         - भूमि अभिलेख उप अधीक्षक पूजा आवताडे     पंढरपूर दि.(प्रतिनिधी):-  नक्शा कार्यक्रमांतर्गत नगरपालिका हद्दीतील जून २०२५मध्ये सर्वे ऑफ इंडियाच्या माध्यमातून ड्रोन सर्वेक्षणाची ओआरआय ( ऑर्थो रेक्टिफाइड इमेज) प्राप्त झाली आहे. त्यानुसार पंढरपूर , इसबावी, भटुंबरे, शेगांव दुमाला येथील पंढरपूर नगरपरिषद हद्दीतील स्थावर मालमत्तांचे अत्याधुनिक तंत्रज्ञानाद्वारे नगर भूमापनाचे काम करण्यात येणार असल्याची  माहिती भूमि अभिलेख उप अधीक्षक पूजा आवताडे यांनी दिली आहे.             नागरी स्थानिक स्वराज्य संस्था क्षेत्रातील विस्तारित क्षेत्राचे भौगोलिक माहिती प्रणाली (जीआयएस) आधारित सर्वेक्षण व नगर भूमापन करण्याबाबत नक्शा हा कार्यक्रम केंद्र शासनाकडून एक वर्षाच्या प्रायोगिक तत्...

 *पंढरीत आ.अभिजीत पाटील यांच्या वाढदिवसानिमित्त जल्लोष!* *५२जेसीबीतून उधळला फुलांचा वर्षाव*  (शुभेच्छा देण्यासाठी जिल्हयातील अनेक कार्यकर्त्यांसह नेते मंडळींनीची उपस्थीती) पंढरपूर प्रतिनिधी/-  श्री विठ्ठल सहकारी साखर कारखान्याचे चेअरमन तथा माढा मतदारसंघाचे आ. अभिजीत पाटील यांच्या वाढदिवसानिमित्त पंढरपूर येथील जनसंपर्क कार्यालय येथे  वाढदिवस मोठा जल्लोष संपन्न झाला.  विठ्ठल प्रतिष्ठानच्या वतीने ५२जेसीबीतून फुलांची उधळण करत क्रेनचा मोठा हार आ. पाटील यांना कार्यकर्त्यांच्या वतीने घालून वाढदिवस साजरा करण्यात आला.  यावेळी आशीर्वाद देण्यासाठी आलेले ह.भ.प.ज्ञानेश्वर जळगावकर महाराज म्हणाले की; अभिजीत पाटील याचे सर्वच क्षेत्रात मोठं कार्य उभा आहे. ज्यांनी विठ्ठलाच्या मूर्तीचे संरक्षण केलं त्यांचा आशीर्वाद आमदार पाटील यांच्या कुटुंबाला मिळालेला आहे. अगदी कमी वेळात जिल्हा नव्हे तर महाराष्ट्रात स्वतःची स्वकर्तुत्वावर ओळख निर्माण करणारे आ.अभिजीत पाटील आहेत. सर्वसामान्य नागरिकांचे प्रश्न अधिवेशनात मांडून आमदार अभिजीत पाटील हे लोकप्रिय बनलेले आहेत. त्यांना पुढील वाटचालीस ...

 पंढरपूर येथे बालनाट्य दिनाचे  शनिवार दि२ऑगस्ट रोजी आयोजन, नाट्यकला जपण्यासाठी विविध कार्यक्रमांचे आयोजन.  पंढरपूर(प्रतिनिधी )_ पंढरपूर येथे ऐशीच्या दशकापर्यंत विविध नाट्यमंडळे व्यावसायिक व प्रायोगिक नाटके सादर करीत असत.  पंढरपूर येथील बालरंगभूमी  पंढरपूर शाखेच्या वतीने  शनिवार दि२ऑगस्ट रोजी  बालनाट्य दिन साजरा करण्यात येत असून या निमित्त बालनाट्य आणि बालनृत्य सादर करण्यात येणार आहे. कर्मयोगी विद्यानिकेतन येथे शनिवार दि२ऑगस्ट रोजी सकाळी १०वाजता बालनाट्य होणार आहे अशी माहिती अध्यक्ष अतुल अंमळनेर कर , प्रमुख कार्यवाह वैभव जोशी यांनी दिली. मराठी_बालनाट्य_दिवस रत्नाकर मतकरी लिखित व सुधा करमरकर दिग्दर्शित ‘मधुमंजिरी’ या बालनाट्याचा पहिला प्रयोग २ ऑगस्ट १९५९ रोजी झाला होता. इथूनच मराठी रंगभूमीवर बालनाट्याच्या पर्वाला सुरुवात झाली. रत्नाकर मतकरींप्रमाणेच सुधा करमरकर यांचेही ‘मधुमंजिरी’ हे पहिलेच बालनाट्य होते. तिकीट विक्री करून साहित्य संघात झालेले ते पहिले व्यावसायिक बालनाट्य होते. या नाटकाच्या निमित्ताने सुधा करमरकर यांच्या लिटिल थिएटर या संस्थेचीही स्थापना...

 कर्मयोगी इंस्टिट्यूट च्या विद्यार्थ्याची बृहन्मुंबई महानगरपालिकेत निवड  पंढरपूर (प्रतिनिधी) कर्मयोगी इंस्टिट्यूट ऑफ टेक्नॉलॉजी शेळवे येथील स्थापत्य अभियांत्रिकी शाखेतील माजी विद्यार्थी पाराप्पा तुकाराम गुटूकडे या विद्यार्थ्याची बृहन्मुंबई महानगरपालिका येथे दुय्यम अभियंता (स्थापत्य) पदावर निवड झाली आहे अशी माहिती महाविद्यालयाचे प्राचार्य डॉ. एस पी पाटील यांनी दिली. पाराप्पा गुटूकडे हे मूळचे हुलजंती गावाचे असून त्यांचे अभियांत्रिकीचे शिक्षण शेळवे येथील कर्मयोगी इंस्टिट्यूटमधील सिव्हिल इंजिनियरिंग विभागामध्ये पूर्ण झाले. त्यांना मिळालेल्या यशाबद्दल महाविद्यालयामध्ये त्यांचा नुकताच गौरव करण्यात आला.  यावेळी बोलताना पाराप्पा गुटूकडे म्हणाले की अभियांत्रिकीचे शिक्षण घेण्याआधी सरकारी नोकरी मध्ये जायचे असे काही ठरविले नव्हते परंतु कर्मयोगी इंस्टिट्यूटमध्ये अभियांत्रिकीचे शिक्षण घेताना येथील शिक्षकांनी खासगी नोकरी बरोबर च सरकारी आस्थापनामद्धे असणार्‍या संधीची वेळोवेळी माहिती करून दिली आणि त्यामुळे स्पर्धा परीक्षा देऊन सरकारी आस्थापणामद्धे अधिकारी होण्याची जिद्द मनामद्धे निर्माण झ...

 आ.  अभिजीत पाटील यांच्या वाढदिवसानिमित्त विविध सामाजिक उपक्रमाचे आयोजन. पंढरपूर ( प्रतिनिधी ) -  माढा तालुक्याचे लोकप्रिय आमदार अभिजीत आबा पाटील यांच्या वाढदिवसानिमित्त विविध सामाजिक उपक्रम राबवले जाणार आहेत. त्या उपक्रमामध्ये माढा तालुक्यातील सर्व सामान्य जनतेच्या आरोग्याची काळजी घेण्यासाठी आमदार अभिजीत आबा पाटील यांच्या कार्यकर्त्यांनी श्री विठ्ठल प्रतिष्ठानच्या वतीने माढा येथे आरोग्य शिबीर आयोजित केले आहे.अशी माहिती विठ्ठल प्रतिष्ठानचे सदस्य नितीन सरडे यांनी दिली.             नितीन सरडे पुढे माहिती देत असता ते म्हणाले, माढा तालुक्यातील महिला, पुरुष, लहान मुले, मुली यांची आरोग्य तपासणी तज्ञ डॉक्टर यांच्या कडून केली जाणार आहे. या मध्ये हाडांचे विकार, एक्सरे, वाचा दोष, मोफत शस्त्रक्रिया, नेत्ररोग तपासणी, चष्मे वाटप, मोतीबिंदू शस्त्रक्रिया, दंतरोग, स्त्री रोग, कॅन्सर तपासणी, हिमोग्लोबिन तपासणी केली जाणार आहे. कॅन्सर तपासणी व शस्त्रक्रिया मुख्यमंत्री सहाय्यता निधी मधून देण्यात येणार आहे.             वैद्यकीय अधिका...