शारदीय नवरात्रौत्सव निमीत्त पंढरीत संगीत महोत्सवाचे आयोजन.

 श्री क्षेत्र पंढरपूर येथे श्री रुक्मिणी नवरात्र संगीत महोत्सवाचे आयोजन

पंढरपूर(प्रतिनिधी )-

श्री.विठ्ठल रुक्मिणी मंदिरे समिती पंढरपूर वतीने श्री रुक्मिणी नवरात्र संगीत महोत्सवात आंतरराष्ट्रीय किर्तीच्या कलाकारांची उपस्थिती असणार आहे.श्री विठ्ठल रुक्मिणी मंदिरे समिती पंढरपूर यांचे वतीने सह अध्यक्ष गहिनीनाथ महाराज औसेकर कार्यकारी अधिकारी राजेंद्र शेळके आणि  सदस्य, व्यवस्थापक मनोज श्रोत्री यांनी कार्यक्रमाचे आयोजन केले आहे. प्रतिवर्षाप्रमाणे सुरू असलेल्या  श्री.रुक्मिणी नवरात्र  संगीत महोत्सव रात्री ७:३० ते १०:०० या वेळेत श्री संत तुकाराम भवन येथे आयोजन करण्यात आले आहे. शुक्रवार   ४ ऑक्टोबर रोजी  भारतरत्न पं.भिमसेन जोशी यांचे नातू विराज जोशी यांचे गायन ,शनिवार ५ ऑक्टोबर रोजी ख्यातनाम गायक पं.शौनक अभिषेकी महोत्सवात यांचा स्वराभिषेक ,रविवार दिनांक ६ ऑक्टोबर रोजी ओंकार कला अकादमी चेन्नई व अतुल खांडेकर यांचे गायन, सोमवार दिनांक ७ ऑक्टोबर रोजी वैष्णवी मगर यांचे अभंगगायन ,मंगळवार दिनांक ८ ऑक्टोबर रोजी उस्ताद रशीद खान यांचे शिष्य कृष्णा बोंगाणे यांचा दुमदुमली पंढरी  हा कार्यक्रम,

बुधवार दिनांक ९ ऑक्टोबर रोजी राम विधाते व बजरंग विधाते बंधू चे गायन तर गुरुवार दिनांक १० ऑक्टोबर रोजी शर्वरी वैद्य मुंबई व धनंजय जोशी नांदेड या ख्यातनाम गायक.गायिकांचा कार्यक्रम होणार आहे.

 त्या सर्व कलाकारांना तबला सुभाष कामत,पांडूरंग पवार,.तेजोव्रत जोशी,.निसर्ग देहूकर,कार्तिक स्वामी,माऊली खरात‌,हार्मोनिअम उदय कुलकर्णी,लीलाधर चक्रदेव, ओंकार पाठक,माधव‌ लिमये,निवेदन उमेश बागडे,पखवाज ज्ञानेश्वर दुधाणे तर टाळ शिवराज पंडीत अक्षय तळेकर,शरद जाधव सुत्रसंचलन विक्रम बिस्किटे  आदी कलाकार करणार आहेत. या संगीत महोत्सवाचा लाभ घेऊन  मोठ्या संख्येने उपस्थित रहावे असे आवाहन श्री विठ्ठल रुक्मिणी मंदिरे समिती पंढरपूर यांचे वतीने करण्यात आले आहे.कार्यक्रम यशस्वी करण्यासाठी सर्व पदाधिकारी अधिकारी आणि कर्मचारी अधिक परिश्रम घेत आहेत.

संपादक.

चैतन्य उत्पात.